عايز تنتظم فى الصلاة ومش عارف.............تجربة شخصية!!!

[b]هحكيلكم عن تجربة شخصية مريت بيها
انا جه عليا وقت مكنتش عارفة اصلى بانتظام
وحاسة بضيق شديد لبعدى عن ربنا
وابتديت اقرر انى مقفش ساكتة......... لازم اعمل حاجة
اول قرار هو العزيمة لازم تقرر انك تقوى عزيمتك
قويت عزيمتى وقلت لأ انا لازم ابدأ اصلى
وكان الكلام ده قبل شهر رمضان
قلت انا من اول رمضان مش هفوت فرض
ابتديت اصلى على اد ماقدر
المهم ميعديش يوم عليا الا واكون صليت فرضين او تلاتة على الاقل
لغاية ماتعودت
والحمد لله دلوقتى مفيش فرض بيفوتنى
ولو كنت بره ومقدرتش اصلى ارجع اصليه قضاء
ساعات الشيطان بيلعب بيا واقول لنفسى انا هريح شوية واقوم اصلى
اوعى تخلى الشيطان يضحك عليك اضحك انت عليه
قمت صليت وقويت نفسى
وسبحان الله حسيت براحة ورضاء عن نفسى
انى غلبت الشيطان وعملت حاجة صح
الموضوع سهل
بس محتاج عزيمة
الصلاة عماد الدين وكتير مننا مش بيصلى
نفسى كل مسلم يتقى ربنا ويحكم ضميره
انا مش عاملة نفسى شيخة
انا كمان بغلط
وربنا يتوب علينا كلنا
لان كل واحد فينا اكيد بيغلط وربنا غفور رحيم
مستنية ردودكم


كفى بالصابرين خيرا ان الله معهم

بجد شكرا على نصيحتك دى

ودى حاجة حلوة ان انتى بتحكى تجربة شخصية عشان الاعضاء اللى فى المنتدى يستفيدوا بيها

شكرا eyes gravity

ميرسيه ليكى بسكوتا وميرسيه ليك يا موز
وياريت احنا كمسلمين نقدر نفيد بعض دايما ان شاء الله

جزاكى اله خيرا
واسال الله ان يثبتك على الاعمال الصالحه

وطبعا الصلاه دى من الفرائض
اذا صلحت صلح باقى الاعمال واذا فسدت فسد باقى الاعمال
واول ما يحاسب عليه المرء يوم القيامه

عشان كده لازم تكون صلاتنا خاشعه

وبارك الله فيكى

ربنا يخليكى يارودى
جزاك الله انتى كل خير يا قمر
ميرسيه على مرورك

موضوعك جميل ومفيد جدا وحلو اوى انك تحكى تجربة شخصية ليكى عشان اكيد الواحد بيحب يسمع تجارب اللى زية فى السن و خصوصا لو تجربة مفيدة زى تجربتك واهم حاجة فعلا العزيمة القوية اللى طبعا المفروض نستخدمها فى الحاجات الصح
جميل اوى منك انك تنتظمى فى الصلاة والجميل بردة انك تنصحى اى حد تعرفية مش منتظم فى الصلاة انه ينتظم فيها

شكرا ليكى موضوعك عجبنى اوى

ربنا يخليكى يا مى
ده بس من ذوقك
ويارب كلنا نستفيد
جزاكى الله كل خير
اللهم ثبتنا على ديننا
امين