البنت المحترمة ...........

في اغلب كلامنا بنمدح البنت المحترمة و الكل بيتمني انه يتعامل معاها

و بتبقي مثل و قدوة لغيرها من البنات و بتبقي كل الناس محترماها من اول البيت

لغاية الشارع

طيب ممكن اعرف اية هي مقاييس البنت المحترمة من وجه نظر الشباب اللي معانا ؟

و هل انت بتحكم علي الاحترام من خلال الشكل بس ؟

و لا بتحكم من خلال التعامل بردو ؟

اتمني تجاوبو بصراحة و توضحولنا وجه نظركو

في انتظار ردودكم

عايزين نشوف الاراء

احنا مستنين

اكيد يا جماعة المقياس الاول اللى بيحكم من خلاله معظم الشباب على البنت هو المظهر اول حاجة لان الانسان ليه اللى هو شايفه بعينة وبعدين هو مش هيتعامل مع كل واحدة يشوفها وعلشان كده اهم حاجة فى تحديد البنت دى محترمة ولا لأ من خلال المظهر تانى حاجة طبعا التعامل والشاب بيقدر يحدد اذا كانت البنت دى محترمة من خلال تعامله معاها ومعرفته بشخصيتها

انا عن نفسي من وجهه نظري
البنت المحترمة اللي هي ملتزمة بالعادات والتقاليد والدين في نفس الوقت
يعني لبسها مقفول وطويل وواسع
يعني اللي بحجابها الكامل مش من فوق حجاب ومن تحت ضيق
يعني اللي ملتزمة في تصرفاتها وشكلها وكلامها
يعني اللي تجبر اي واحد يفكر مليون مرة قبل ما يقولها كلمة مش كويسة
يعني اللي عارفة حدودها كويس
يعني اللي قبل ما تعمل الحاجة تعرف صح ولا غلط
يعني تعرف الفرق بين الحرام والحلال كويس
يعني اللي عمرها ما احتكت بالجنس الاخر احتكاك يأذيها او يضرها او يخدش حيائها
هي دي البنت المحترمة
من وجهة نظري المتواضعة

انا موافقة على الكلام اللى قاله ياسر والبنت بتبان من مشيتها ومن اسلوب الكلام وطبعا لبسها

فعلا كلامكو صح يا ياسر انت و مصطفي

و بشكر دعاء ع المداخلة

و مستنيين باقي الاراء

انا عن نفسي بحكم عليها من مظهرها ومن شكل لبسها
واسلوب كلامها ومشيتها وفى حاجات طبعا كتير بس دى الحاجات الظاهريه بس
اللى الواحد يقدر يلاحظها

والله انا سمعت كلام كتير عن البنت المحترمه واراء كتير
بس انا مابعرفش احكم على حد غير لما اعرف شخصيتوا كويس وبرفض اى حد بيحكم من المظهر لانوا مش كل حاجه
ومرسى اوى يا هند على خموضوعك الرائع دا

بصي يا مي الحكم من خلال المظهر بس دة مش صح

لكن دة ميمنعش ان المظهر لية دور بردو في الفكرة

اللي الواحد بيكونها عن اللي قدامه

لكن الاهم هي الاخلاق طبعا

و بشكرك يا ميووووووووووووووي ع المداخلة

نورتيني

والله يا هند انا بشكرك على الموضوع الرائع ده
لان البنت المحترمة انا مش بحكم عليها من لبسها
انا بحكم عليها من شخصيتها واسلوبها وتدينها
لان المظهر الخارجى مش كل حاجة
انا اعرف بنات بتلبس على الموضة وممكن كمان تحط ميك اب بس بتبقى محترمة
فى اسلوبها فى تعاملها ومتدينة وبتحافظ على تصرفاتها
لكن اغلب الشباب دايما بياخدوا بالمظهر
وانا رايى ان ده غلط
وشكرا

اولا بشكرك ع الرد

ثانيا عايزة اقلك اني اعرف بنات مش محجبين اصلا بس بجد منتهي الاحترام

لكن انا بردو شايفة ان المظهر ليه اتر كبير في حكم المجتمع علي الشخص دة

و طبعا المظهر بيدل ع الشخصية حتي الالوان بتدل عليها

و لكن زي ما قلت الاهم من كدة هي الشخصية و الاخلاق و طريقة التفكير

و طبعا نورتيني