أكيييييييييد بتحبها

لا طبعا احنا مش بنزعل طول ما بينا نقاش كويس و بعدين اغلب السعوديين لو مش بيكرهونا يبقي بيغيرو مننا و بيبصلنا نظرة وحشة و ليهم اسبابهم و الموضوع دة فيه كلام كتير هنتكلم فيه
و دايما كدة منور مواضيعي يا بلاك نايت

بما اننا فتحنا النقاش ف الموضوع دة يبقي هنتكلم فيه بصدر رحب و منطقية و احنا ف انتظار باقي الاراء
شوف يا ياسر انا بقول ان اغلب السعوديين هما اللي بيدايقو مننا كون انك تقابل منهم اللي بيحبوك بجد دة
دة شئ كويس بس دة
مش معناه ان كلهم زي اللي انت عرفتهم دول
عايزة اقلك ان اللي مشغل السعودية هما المصريين و
في كل المجالات من اول اقل مهنة لغاية اعلي مهنة و في كل الاحوال بنتفوق عليهم و دة طبعا شئ بيدايقهم دة غير ان هما بيبصلنا ان احنا رايحين ناخد فلوسهم مع انهم بياخدو حقهم مننا تالت متلت و وصلت انهم يسمونا عبدة الريال بس العيب مش عليهم العيب علينا لان في ناس بتروح هناك و تتنازل عن مبادئها عشان الفلوس لكن مش الكل طبعا
دة غير انهم شايفين مصر دي بلد خارجة عن الدين و ستاتها و بناتها مش محترمين و متبرجين مع العلم ان هما عندهم فساد ديني و اخلاقي اكتر مننا بكتير بس متداري ورا النقاب
و اللحية الطويلة
طبعا الموضوع يطول شرحه بس هكمل بعدين كفاية كدة دلوقتي
و دايما منور مواضيعي يا ياسر

لأ اسمحلي يا ياسر مينفعش تقارن المصريين برة بأي جنسية تاني لان حتي لو في جنسيات تاني عمرهم ما بيحتلو المناصب اللي بيحتلها المصريين و عمرهم ما بيقدرو يثبتو نفسهم زينا و دة السبب الرئيسي لسؤ نظرتهم لينا
دي نقطة
النقطة التانية اننا لو اي حد جه اشتغل عندنا عمرنا ما هنقول عليه دة جاي ياخد فلوسنا طول ما هو عامل اللي عليه و احنا و لو كنا بنستعين بأجانب دة بيبقي عشان احنا عايزين الافضل و نقدر ف اي وقت نقلهم سلام و بعدين بنحترم اي حد جاي يشتغل عندنا و بنديله قدره لان
انزلوا الناس منازلهم و دي نقطة
النقطة التالتة
اللي هي عن الفساد فأنا شايفة ان الدين و اللبس دة حاجة بيني و بين ربنا و حرية شخصية و لو الحكاية دي مش جاية من جوايا تبقي قلتها احسن عشان منشوهش صورة الدين زي سايتو ما قال
و بردو لسة في باقي

بص يا ياسر احنا مش واخدين مقلب ف نفسنا لان فعلا مفيش حد زينا رغم كل ظروفنا دي و ماضينا و حاضرنا بيثبت كدة ممكن كلامي دة ميكنش مقنع بس دي الحقيقة
اما بقي بالنسبة للمعاملة مع الاجانب عايزة اقلك اننا لو مكناش بنعامل الغرب احسن من المصريين فآحنا عمرنا ما هنعاملهم اقل من المصريين يعني زيهم زينا يعني الراجل اللي بيشخط و ينتر ف اللي شغال عنده هيعمل كدة سواء مصري او غيره و مش هيتعمد دة لمجرد ان اللي شغال عنده دة غريب زي ما اغلب السعوديين بيعملو معانا
اما بقي بالنسبة لموضوع عيلتك فالكل قاعدة شواذ و انتو شواذ القاعدة مش احنا لانك لو عملت احصائية هتلاقي الغالبية العظمي رأيهم من رأيي و قليل بقي اللي هيشكر فيهم زيك كدة
و لسة في باقي

معلش يا سايتو الكلام خدني و نسيت اقلك انك تشرف و تنور معانا ف النقاش و انت اكيد عارف كدة من غير ما اقول
و اتمني ان ياسر ميكنش زعل مننا و اتمني اننا نكمل نقاشنا للآخر و مش شرط ابدا ان طرف يقتنع بوجه نظر التاني
و لكن كفاية اوي نخرج من نقاشنا دة و احنا ع الاقل فاهمين الدوافع و الاسباب لوجهات النظر الاخري
لان احنا ف الأخر اسرة مع بعضينا
YASSER
Seito
اسعدني وجودكم ف موضوعي و اتمني الاكمال . .
تقبلو تحياتي

شكرا ليكي يا ايجيبت علي الموضوع ده

مشكوره يا قمر لا تحرمينا من جديدك