ليا تعليق..........اية رأيكم؟؟؟؟؟؟؟؟؟؟

السلام عليكم و رحمة الله

انا عضوة جديدة معاكو في المنتدي و من ساعة ما سجلت و انا عماله اقرا المواضيع الجميلة المكتوبة و اعلق عليها بس انا عايزة اقول انه
اولا:في مواضيع مهمه جدا جدا سواء علي المستوى الشخصي او المستوى العام مرينا عليها كده مرور الكرام رغم انه المفروض(من وجه نظري الشخصية)ان احنا ناخد بالنا منها اكتر من كده و نسمع الآراء بصراحة وواقعية نتناقش فيها بما فيه الكفاية خصوصا المواضيع المتعلقة بالمجتمع المصري و فكره
انا استفدت جدا من المواضيع اللي فيها تباين آراء مش بس وجود تعليق كدة و خلاص حتي لو كان التعليق دة مدح ف لموضوع لازم بردة الواحد يقول هو شايف الموضوع دة من اي زاوية حلو و جميل او العكس يعني انا شايفة الفكرة مش فكرة كم بس المهم الكيف يعني ممكن موضوع واحد بس يبقي اهم من عشرة غيره و مع ذلك مش بيبقي في فرق بين الاتنين (دي بردة وجه نظر شخصية) في الردود و التعليقات
ثانيا:في افكار بتبقي حلوة جدا و الغالبية العظمى بيبقي مبسوط منها جدا و بنتفق ان احنا نطبقها و فعلا بنبدا نطبق بس مع الوقت مش بنكمل رغم انها فعلا افكار حلوة بس احنا بننسي علشان كدة يا ريت اللي يفتكر موضوع حلو قديم يفكرنا بيه و لو بدأنا فكرة يقي نكملها للآخر
ثالثا:في مواضيع رائعة بس كمان في مواضيع كتيييييييييير اوي منقولة(علي فكرة انا ماليش خبرة اوي في المنتديات بس دة اللي انا شايفاه) و كمان من غير ما الواحد يضيف او حتي يحذف منها او يضيف الطابع الشخصي بتاعه عليها
يعني انا شايفة ان الموضوع لما يتكتب كده هيبقي احسن بكتييييييير و هنحس ان احنا اقرب من بعض و الاستفادة كمان هتبقي اكتر
رابعا:رغم اني لسة جديدة معاكو الا اني مبسوطة جدا معاكو و دة اللي خلاني اكون صريحة معاكو لأنه الهدف الاساسي هو اننا نقرب و نستفيد من بعض في جميع مناحي الحياة
ياريت لو في حاجة غلط في كلامي تقلولي و لو انا مش فاهمة الوضع صح بردو تقلولي
انا يهمني رأيكم جدا اللي انا مستنيا بفاااااااااااااااااااااااااااااااااااااااااااااااااااااارغ الصبر
و السلام عليكم و رحمة الله

غلط مين بس
انتى باشا والله
وكلامك زى السكر وفعلا كلامك صح
فى مواضيع منقوله
وبنحاول ان احنا نقول للاعضاء نخف منها
وبننحاول ان احنا نقول للاعضاء كدا
ومعانا بردو اعضاء متميزين بيكتبوا من دماغهم ودا شئ جميل لانه فعلا بيقربنا من بعض
ياريت بجد فعلا نهتم بالمواضيع الى فيها نقاش علشان نستفاد منوجهات نظرنا كلنا زى مانتى قولتى
بس باذن الله فيه امل كبير لان كتير من الاعضاء انتقدوا النقطه دى
فان شاء الله باقى الاعضاء الى بتنقل والى بتقول شكرا وبس هتاخد بالها وتبتدى تشارك بجديه

انا بشكرك جدا يا مي علي الرد و انا عايزة اقول ان الاهم عندي ان احنا نتفاعل اكتر مع الموضوع خصوصا المواضيع المهمة
عشان نستفيد من بعض و نحاول نحل اي حاجة اكيد لو فكرنا كويس هنحل اي حاجة حتى لو كانت بسيطة
احنا مش بس عايزين نعرض المشاكل احنا كمان لازم نحاول نحلها
و بشكرك مرة تانية

عندك حق و الله
وده هدف المنتدى ان الكل يتعلم من بعض
و عن نفسى استفدت كتير منه
و شكرا يا ايجبت على الموضوع الجامد ده
و انا حابه انك مسميه نفسك مصر
ده دليل على انك بتحبى مصر اوى مش زى ناس كتير
والمواضيع المنقولة بقترح انها بعد كده تتحذف

انا بشكرك جدا يا أنجل علي الرد الجميل
و انا كمان استفدت من المنتدي و نفسي الاستفادة تبقي اكتر من كدة كمان
و بالنسبة لمصر فأنا واثقة ان الكل بيحبها حتي لو الواحد من قال غير كدة
اكيد من جواه بيحبها
و شكرا مرة تانية ع الرد

أنا معاكى فى أنه مواضيع كتيره محدش بيعلق عليها أو حتى يقرأها ، بالرغم أنه فيه مواضيع تستحق أنه الواحد يشوفها
وده لآن عدد المواضيع دلوقتى كتير أوى ، والحلو منها منه اللى بتشاف ، ومنه اللى بيضيع وسط زيطه المواضيع
بس برضه لكل مجتهد نصيب ، الواحد مننا لما بينزل موضوع جامد وحلو ، ربنا بيكرمه فى أنه يكون له نصيب الآسد من المشاهده والتعليق ، ومعاكى فى أن لو الآعضاء علقوا على المواضيع دى ، بيبقى تلات أربعها شكراً ، طيب أنت فين رأيك ، هو شكراً كده وبس ، وده راجع لتنافس الآعضاء على طلب الآشراف ، اللى من أجله تعملى 150 مساهمه علشان تبقى مشرفه ، غريبه أوى الحكايه دى

أه ، فعلاً فيه حاجات كتيره بتتقال فى المواضيع بيتفق عليها الآعضاء أنهم يعملوها ، ومش بتعمل خالص
ممكن علشان مش هتلاقى تشجيع بعد كده ، أو بيبقى فيه حاجه تعطل اللى أتفقنا عليه
بس بوعدك أن اللى أتفقنا عليه فى موضوع ( أدينا بندردش ) هيستمر أن شاء الله

بالنسبه لمواضيع الكوبى بيست ، أنا عملت موضوع ليه أسمه ( نصيحه لكل الموجودين ) وده اللينك بتاعه وشوفى اللى أتقال فيه

https://alsunawy.ahlamontada.com/montada-f26/topic-t833.htm?highlight=%e4%d5%ed%cd%e5+%e1%df%e1+%c7%e1%e3%e6%cc%e6%cf%ed%e4

شكراً يا
!!EGYPT!!
أنتى بجد حد طموح وأكتف وبيفكر صح ، خليكى كده دايما على طول وكلامك ده حافز لينا كلنا أننا نستنى مواضيعك اللى أكيد هتبقى فى مستوى يليق بيكى
ومتنسيش نصيحتى ليكى
أوعى تسيبى حلمك يموت
ده الحلم مش محتاج سكوت

أسف لو كنت طولت حبتين
وأهلا بيكى فى المنتدى مره أخرى
وسلام للموضوع الجاى نتأبل

[img][/img][img][/img][img][/img]

اولا:بشكرك علي ردك و اهتمامك
ثانيا:منقدرش نقول ان الناس تشكر بعضها عشان خاطر الاشراف طيب دة اللي بيقول شكرا احسن من اللي مبيعلقش خااااااااااالص
ثالثا:مش شرط يكون الموضوع جامد قد ما هو شرط انه يكون من جوايا و يمسنا كلنا او يمس مجتمعنا وانا بالنسبة ليا اهم حاجة اننا نتناقش في الموضوع يعني ممكن يكون الموضوع كلمتين بس مهم و حساس و المفروض الردود اللي عليه تبقي كتير و منطقية و يبقي في نقاش
رابعا:مفيش مشكلة انك تجيب موضوع منقول عاش عجبك وانت عايز تفدنا بس انت بقي فين كلامك يعني المفروض حتي لو انت هتجيب موضوع منقول تعلق عليه
و تكون المواضيع دي اقل من المواضيع اللي بنكتبها بنفسنا
خامسا: انا هحاول علي قد ما اقدر انشط المواضيع القديمة اللي فيها اتفاقات مش كاملة بس يا رب الناس تشارك
سادسا:انا بعمل بنصيحتك الجميلة
سابعا:انا سعيدة جدا بردك دة و انت مطولتش و لا حاجة كفاية انك بتعبر عن اللي جواك
بشكرك مرة تانية و مستنية رد صغير زي بتاعي كدة هههه

معلش يا مارو يا ريت تكتب ردك مرة تانية لأني مش بفهم هيروغليفي
و شكرا