وداعا يا السن

انا بجد زعلان انى هسيب السن
لانى بجد فيها حسيت بقدار تعبى فى ثانويه عامه (العمر بيجرى)
انا شوفت فى السن اجمل ايام فى حياتى
وقضيت فيها لحظات حزن وفرح ومشاركه مع اصحابى
وحاسس ان الاريع سنين فاتو هوى
ما هى الايام الحلوه هتفوت بسرعه
بس المهم ان احنا نستفاد من السنين اللى قضناها فى السن عمليا و علمبا
وانا بدعى لكل متخرج و متخرجه بالتوفيق و سنوات سعيده قادمه مليئه بالنجاح والسعاده وربنا يوفق الجميع فى مجال السياحه
وفى النهايه السن هتكون زكريات فى حياتى مكتوبه فى مزكراتى وكتبى
واهو بكره نقول كانت ذكرى وعشنالنا يومين على راى عمرو دياب شكرا

بتمنالك حياه جديده سعيده
و مستقبل مشرق

شكرا على مرورك و ربنا يوفقك

IN BOCCA AL LUPO
BUONA FORTUNA A TE
SPERO DI PASSARE UN TEMPO BENEISSIMO BISHOY

متزعلش انا عارف ان الحياة الجامعيه ممتعة بس اكيد الحياة المهنيه او العمليه امتع وبعدها الحياة الزوجيه طبعا ان وفقت
ربنا يوفقك فى حياتك
العشرى008

مرسى ليكو جدا وانا بجد قضيت اجمل سنين عمرى فى الكليه دى وربنا يوفقكو جميعا

نتمنالك حياه ممتعه وسعيده بعد التخرج
وان شاء الله ربنا يوفقك
ومتزعلش هى دى سنه الحياه

ربنا يكوون فى عوون كل اللى فى رابعه
بجد انا بترعب لما بلاقى السنين بتجرى كده بسرعه
وان كل شويه بنقرب من رابعه اكتر.....
................................
ربنا يوفقك فى حياتك الجديده
و تفضل تحتفظ بالزكرى الحلوه دى لكليتك

شكرا على مرورك الجميل و ربنا يوفقك الى الليسانس انشالله

هى الدنيا كده

بتحسدنا على سعادتنا معلش

المهم انك شايل للالسن ذكرى حلوة ياكنج

ابئى افتكرها بكرة وبعده

وان شاء الله ربنا يسعدك انت وكل اخواتنا الى اتخرجوا

وتلاقوا وظيفه ترتاحوا فيها

تمنياتى لكم بكل التوفيق

fulla_flower

ما هو الدنيا لما تدى لازم تاخد حقها بزياده
تبعد عن حبايبك وتغربك عن قرايبك
المهم انها فى احلامك ونجاحك معاك
لما تضحك تتبسملك
ولما تكشر بتشبشبلك

ربنا يوفقك
وبتمنالك مستقبل تتشرف بيه دلوقتى ويتشرف بيه اهلك بعدين
لكن,
تذكر دائما ان الله موجود فإن ضاقت عليك لا تنسي ذكر الله فهو مفرج كل مصيبه

شكرا على ردك الجميل و زوقك و ربنا يوفقك فى كليتك وانشالله بالتقديرات

ممكن اسالك سؤال؟
انت كنت قسم ايه؟

انا كنت قسم ايطالى

ايطالي
دا قسم كويس
انا اسبانى والاتنين قريبين من بعض
انت كان تقديرك العام ايه؟

تقديرى العام جيد مرتفع 73,62

ربنا يوفقك يا كينج

و ان شاء الله تلاقي وظيفة حلوة و مناسبة

و متزعلش نفسك لانك ممكن تفضل علي اتصال بالناس اللي بتحبهم

و كل فترة ف حياتك ليها طعم خاص

بشرط ان الفترة اللي قبلها متفضلش مأثرة عليها

تنمياتي ليك بمستقبل مشرق و حياة افضل ليك

و لكل اللي اتخرجو

شكرا على ردك يا ايجيبت وانا بجد كنت زعلان اوى على فراق اصحابى بس بكلمهم و بعيد عليهم و ساعات بقابلهم و اهى ماشيه

أنا كمان زعلانه وكأن لسه أمبارح كنت فى سنه أوله بس كل حاجه ولها نهايه و ربنا يكرمك

يا جماعه كويس انكم اتخرجتوا
ادعوا لينا احنا بقي ربنا يوفقنا

كل لحظه حلوه بتعدى فى ثوانى و ربنا يوفق كل الطلبه فى حياتهم سواء داخل الكليه او خارجها و شكرا على المرور

بس احيانا الثوانى دى بتعدى سنين
وخاصة اننا في المنيا وبعيد عن اهلنا
بس الاصحاب بتهون كل شيء

بصى انا كان ليا اصحاب كتير مش من المنيا بس ما قعدوا فى المنيا حبوها بس عشان اللى فيها واى مكان بيكون الواحد متغرب فيه مبطيقهوش عشان مبعده عن البيت و اهله واصحابه وانشالله بالصحبه مع كل الناس بيخليكى بتحسى بدفى احساس جميل احساس الصحوبيه و يارب ما اكون رغيت كتيير

أحنا لمل كنا فى سنه أوله وتانيه كنا بنقول أمتى نتخرج ولما السنين عدت يسرعه أحنا زعلانين الدنيا دى غريبه