عايز نصيحة

طيب يا جماعة ممكن تقولولى الواحد يقدر
يعمل ايه مع انسانة مش مرسياه على بر
يعنى بالعربى مش راضية تقوله "اه او لا"

بس انا بحبها جد
قولولى اعمل معاها ايه

يعنى انت حاسس انها مترددة

ولا حاسس انها بتلعب وبتضيع وقت

لو من النوع الاول سيبها فرصة واحدة

لو من النوع التانى طبعا ماتضيعش وقت معاها

شكرا ذا بيسته

شكرا على اهتمامك GREENHEART

انا اولا بحبها بجد
وثانيا عايز اتقدملها واخطبها بس لما تقولى اه او لا
يعنى موافقة ان انا اتقدملها والا لا
بس المشكلة انها مش مديانى فرصة انى اتكلم معاها او حتى اشرحلها
انا ظروفى ايه او ناوى على ايه

وخصوصا بعد ما حاولت اتكلم معاها فى الموضوع ده

مش عارف اذا كانت مغرورة شوية او ده طبعها
الله اعلم

والله مش عارفه اقولك ايه بس فى نوع من البنات بتقول اشيل احتياطى
جه احسن منه خلاص مجاش اهه موجود عشان كده ميرسكوش على حاجه فى
كلامهم بس انت لازم تتكلم بصراحه معاها وتاخد منها كلام واضح وصريح

شكرا ليك يا GREENHEART
على ردك الجميل ده وان شاء الله هحاول اعمل بنصيحتك

وشكرا يا PRINZESSIN
DER BESTE

اتمنى اسمع ردك يا مى
رايك اكيد هيفيدنى

الى بيتنطط دا ومش مرسيك هوا عايز ايه
شويه حبايب وشويه اصحاب
مالكش دعوه بيه لانه فى الاخر هيبيعك لما يلاقى حد غيرك وفى الاول وفى االاخر مش هترتاح معاه عشان دا بيبقى انسان عجيب شويه
لكن لو انت حاببها اوى لدرجه دى
حاول تانى وكلمها بصراحه علشان لا انت تتعب ولا تتعبها معاك

انت تقصدى لما يلاقى حد غيرى والا
لما يلاقى حد احسن منى
يا ريت تردى عالية بصراحة يا مى
لانى فعلا مبهظرش
وبتكلم جد
وربنا عالم ان مشاعرى ناحيته لحد انهاردة متغيرتش
بس انا فعلا محتار ومش عارف اعمل ايه

لانى بجد مش عارف احدد هو بيفكر ازاى او ايه هى وجهة نظره

شكرا على ردك
واتمنى انك تقوليلى رايك فى الموضوع ده بصراحة
وتقوليلى انا ممكن اعمل ايه
der beste

بعد اذنك لو هدخل فى الموضوع انت المفروض تدوس وتتجرا شويه وتقولها مش تستنى لحد ما هى تقولك وهى هتقولك اذا كانت عايزاك ولا اللى بينكو صحوبيه وبس
انت شاب وشباب اليومين دول لازم فيهم جراءة و صراحه على طول عشان ميلفش ولا يدور دوووووووووس يا مان

شكرا ليك يا king

der beste

فى كلتا الحالتين
انا كل الى اقصده انه بكل سهوله ممكن يسيبك
ودا راى
اما تعمل ايه دا
فانا قولتلك قبل كدا لازم تتكلم بصراحه وبجراءه لازم انت الى تاخد موقف وتتكلم

danke mai

هحاول اعمل بنصيحتك

بص يا عم بسته انت
لو الموضوع هو اللى فى دملغى واللى انت معرفهونى
يبقى بجد حرام عليك اللى بتعمله فى نفسك ده
افتكر كلام صاحبتنا اياها قبل ما تسافر
وانت عارف انا بتكلم عن ايه بالظبط
وكمان انت بطريقتك دى بتظلم الناس اللى حواليك
وبتظلم نفسك
دا حتى الناس اللى بيردوا عليك
انت ظالمهم
ومحدش فيهم هيقدر يفيدك ولا جرين ولا حتى مى
لانهم ببساطة مش عارفين الموضوع من اوله
ممكن انت تكون فاهم غير كده
ممكن الموضوع اللى انت كاتبه ده
والردود اللى بتجيلك عليه تكون بتريحك
بس انا بقولك دا غلط
وكل اللى اتقال انت مش ينفع تعمل بيه لانه حتى ولو صح وينفع فى مواقف كتير
بس فى الموقف ده مش ينفع
انت فعلا عملت اللى بيقولولك عليه
وهى ردت عليك بايه
ايون ........ افتكر هى قالت ايه
وعلشان خاطرى
حكم عقلك شوية
الحب اه بالقلب
بس فى لحظات لازم نحكم فيها عقلنا
اعتقد ان اللحظة دى واحدة منهم
ارجوك يا مان
كفاية عذاب وكفاياك لحد كده
ومعلش انى كنت شديد شوية عليك
بس كله لمصلحتك
وانت عارف

شكرا ليكى يا egypt على ردك

وشكرا لكل الناس اللى افادونى ونوروا عينيه بنصائحهم الغالية دى

der beste

انا رأيى انك تبعتلها رسالة مع حد مقرب ليها صاحبة مثلا وهى توصلك هى بتفكر فى ايه طالما هى مش مدياك فرصة تتكلم معاها
ابعتلها مع حد مقرب ليها وخليه يجس نبضها هى بتفكر فى ايه وعايزاك بجد ولا لا
وربنا يوفقك

شكرا ليكى يا eyes gravity

ممكن اسالك سؤال

ايه العمل لو صاحبتها دى مش عارف بس انا عندى احساس ان صاحبتها بتكرهنى ليه مش عارف
رغم انى معملتلهاش اى حاجة ممكن تزعل صاحبتها منى

يبقى ايه العمل

العمل انك تريح دماغك من الصداع ده كله
اوك باى
اخوك اللعشرى 008
لا ندعى التميز.....و

وانا كماااااااااااااااااان
زى ما هو بيقول
دماغك
واللى يبيعك بيعه
وفى مليون وحده احسن من اى حد تااااااااانى
نصيحه من اخ صغير
يا عم بست
وعلى فكره انت عضو امت وصامت
معاك شاحن نوكيا
طب سلام واسمع الكلام

الحوار ده مش ليه غير حل واحد انك تحاول تبعد عنها شوية لو هي باقية عليك هاتحاول انها تكلمك ولو لا ؟؟؟؟؟ انت عارف كده