rody
عضو جديد
عدد الرسائل : 824
العمر : 38
المزاج : نص ونص
العمل\الترفيه : النت والقراءه
تاريخ التسجيل : 07/04/2008
 |  موضوع: موظف..كرش..بطيخه..جرنان..!!  الإثنين 09 يونيو 2008, 18:34 | |
| زمان كان فيه صورة شهيرة راسخة فى عقل كل واحد منا
الموظف بكرش وأقرع
ويرجع البيت شايل بطيخة وجرنان
لازلت متخيل المنظر ده
أو بمعنى أصح فاكره
لأنى من سنين فاكر أنى شوفت المنظر ده فى بعض الموظفين
الكرش اللى اتكون بفعل طول الجلوس على المكتب و الرجوع للبيت
ليأكل الغدا اللى غالباً دسم ومسبك ليشرب بعده كوب من الشاى
ويحلى بالبطيخة اللى لسة مشتريها وينام
ليتكون طبقات من الشحم على بطنه لتكون هذا الكائن الطريف
الذى يعبر غالباً عن العيشة الهنية وراحة البال و..................العز
أنت بتقول عز
نعم فى عصر عز وشلته فى عصر المحتكرين واللصوص وسفاحى البشر ومصاصى الدماء
لم يعد للموظف هذا الكائن الشحمى أمام بطنه
فقد تلاشى بفعل الأجترار والرجيم القاسى اللى أتفرض عليه وعلى أسرته أجبارى
لم يعد هناك مكونات لهذا الكرش
فلم يعد هناك غداء دسم........ناهيك عن وجود غداء أصلاً
لم يعد هناك بطيخة مين المجنون اللى يدفع فيها من 10 - 15 جنيه وياصابت ياخابت
ليه هو المرتب فيه كام بطيخة أقصد كام 10 - 15 جنيه
لم يعد هناك جرنان
مين اللى ممكن يضحى بـ 30 جنيه شهرياً ليقرأ مجموعة من الأكاذيب
والأفتراءات وزفات النفاق
زمان كانوا بيقولوا أن مافيش حاجة صادقة فى الجرنان غير صفحة الوفيات
لكن دلوقتى حتى صفحة الوفيات بتكدب..........
مربوط على الدرجة الخامسة والناس درجات
الدرجة الخامسة دى ياسادة مرتبها لا يتجاوز الـ 250 جنيه اللى ممكن بعد
الزيادة والكادر الخاص يبقوا 350............
ياترى دول ممكن يعملوا كرش
ولا يشتروا بطيخ
ولا يجيبوا جرايد
دول بس كفاية أنهم يكونوا موجودين كل اول شهر علشان الموظف من دول يعرف الشكل بتاع الفلوس كعينة.............
لم يعد الموظف فى صورته القديمة
بل أصبح شبح مواطن سواء بنحافته أو سمنته
ولم يعد هناك بطيخ إلا من ميته اللى كلنا عايمين فيها وح نغرق ومش ح نلاقى ولا بذرة نتعلق بيها
ماعدش للجرنان لزوم
ولا له معنى
ولا فائدة .............
حتى للف الحاجات
لأن مابقاش فيه حاجات أصلاً علشان نلفها
يمكن قدام شوية الجرايد تتحول لطعام بعد جفاف الزرع والضرع وساعتها ح يبان لها فايدة
حد نفسه فى البطيخ............ 
-------------------- | |
|
moz_a
عضو جديد
عدد الرسائل : 1666
العمر : 34
المزاج : جاااااااامد اخر حاجة
العمل\الترفيه : طالب بكلية التجارة جامعة القاهرة
تاريخ التسجيل : 02/04/2008
| | موضوع: رد: موظف..كرش..بطيخه..جرنان..!! الثلاثاء 10 يونيو 2008, 07:40 | |
| هههههههههههههههههههههههه
عندك حق يا رودي
حسبي الله و نعم الوكيل
شكرا رودي | |
|
rody
عضو جديد
عدد الرسائل : 824
العمر : 38
المزاج : نص ونص
العمل\الترفيه : النت والقراءه
تاريخ التسجيل : 07/04/2008
| | موضوع: رد: موظف..كرش..بطيخه..جرنان..!! الأربعاء 11 يونيو 2008, 09:17 | |
| شكرا لمرورك مووووووز
نورت الموضوع | |
|
Y a S s e R
المشرف العام
عدد الرسائل : 4319
العمر : 37
العمل\الترفيه : FedEx Express
تاريخ التسجيل : 16/01/2008
| | موضوع: رد: موظف..كرش..بطيخه..جرنان..!! الأربعاء 11 يونيو 2008, 18:14 | |
| دول لا يعملوا كرش ولا يشتروا بطيخ يادوب يعملو جفاف  | |
|
rody
عضو جديد
عدد الرسائل : 824
العمر : 38
المزاج : نص ونص
العمل\الترفيه : النت والقراءه
تاريخ التسجيل : 07/04/2008
| | موضوع: رد: موظف..كرش..بطيخه..جرنان..!! الجمعة 13 يونيو 2008, 18:49 | |
| هههههههههههههههههههههههههههه حلوة جفاف دى
شكرا لمرورك ياسر
نورت الموضوع | |
|
Egypt
المشرف العام
عدد الرسائل : 1825
العمر : 34
المزاج : الحمد لله
العمل\الترفيه : طالبة ف رابعة الماني
تاريخ التسجيل : 18/06/2008
| | موضوع: رد: موظف..كرش..بطيخه..جرنان..!! الجمعة 17 أكتوبر 2008, 16:03 | |
| هنعمل اية بس ربنا يكون ف عون الناس و اكيد الاوضاع هتتحسن و يعود عصر الكرش و البطيخة و الجرنان
شكرا ليكي يا رودي ع الموضوع العسل دة | |
|
