طبعا انتو مستغربين من العنوان لكن والله انا بتكلم جد مش هزار والله يا جماعة وانا بكتب الموضوع دا انا حاسس انى ممكن اموت من الغيظ والسبب انى لسه سامع برنامج شعلل النار فيا برنامج الطبعة الاولى وكان بيتكلم عن موضوع تصدير مصر الغاز لاسرائيل وفرنسا انا كنت سمعت عن الموضوع دا لكن مكنتش اعرف التفاصيل دى ان مصر باعت الغاز لاسرائيل ب 6 جنية وسعره العالمى 60 جنية طيب ماشى معلش احنا دولة غنية ولازم نساعد الغلابة زى اسرائيل لكن المصيبة فى الموضوع ان الحكومة بتبيع الغاز للمصريين ب 16 جنية ويطلع وزير البترول ويقول الغاز فى مصر مدعم والمفروض نوفر من مصاريف الدولة باننا نرفع الدعم دا .كلام حكم
وايه كمان ن الشركة اللى مسئولة عن نقل الغاز لاسرائيل صاحبها رجل الاعمال المعروف محمود سالم وبيمتلك 60فى المائة من الشركة و30 فى المائة من الشركة ملك لرجل اعمال اسرائيلى كان ظابط فى الموساد
والحكومة العظيمة بتاعتنا باعت الغاز لمدة 15 سنة وكل خبراء الطاقة اكدو ان الغاز هينتهى من مصر فى خلا من 6 الى 7 سنوات يعنى هيكون فى ازمة كبيرة فى مصر بل كارثة حقيقية
انا اسف يا جماعة على الاطالة لكن معلش مقدرتش اعمل حاجة غير انى اكتب واطلع اللى جوايا والا والله من دون مبالغة كان ممكن يحصلى حاجة
.
سعر الغاز العالمى 60 جنية لاسرائيل 6 جنية للمصريين 16 جنية
تحية خاصة الى حكومتنا العظيمة
مش منقول.........