sweet bird
عضو جديد
عدد الرسائل : 189
العمر : 38
العمل\الترفيه : ???
تاريخ التسجيل : 08/04/2008
 |  موضوع: ليه الدكتور نسي الفوطه؟؟!!!  السبت 17 مايو 2008, 12:34 | |
| نسي الفوطه
وناس واقفه بتتريأ ومبسوطه
وناس تانيه بتستغرب ومنقوطه
ليه الدكتور نسي الفوطه
وهو يا عيني كان واقف ووشه أحمر ولا القوطه
و قال ياجــــــــماعه سامحوني
وقبل ما تيـــــــجوا تلوموني
تعالــــــوا أحكيلكوا أنا حكايتي
وبعديها إبقوا حـــــــاكموني
سنــــين فــــاتت في ثانــــــويه
كفاح دامي وعــرق ودموع
وبعد المعركـــــــــه الحــــاميه
قدرت أنجح وأجيب مجموع
أخيراً حلمنـــــــــــــــــا إتحقق
هخش الطــــــــب وأدّكــــتر
رســـــــــــاله جميله ومعـــاها
مقام عالي وفلوس أكـــــــتر
في أول يوم لـــــــــبست جديد
وشلت البالطو رحـت لاقيت
زمايلي إتحــشروا في مــدرج
عامل ولا عــــــلبة الكبريت
ولكــن برضه مايئستش
دخل دكتور قعد يشــــــــــرح
كلام كــــان صعب ولاتيني
و أنا متنـــح ومـــش فــــــاهم
لاقيت النــــــــوم غلب عيني
و لسّه أنا برضه مايئستش
و قلت مادام ضــــاع النظري
هظبّــــــــط نفسي في العملي
جريت عـ المشـــرحه بسرعه
لكن كالـــــــــعاده خاب أملي
دخلـــــت لاقـــيت 200واحد
بيتخــــــــانقم على الجــــــثه
وناس واقـــــــــفه من الزحمه
على كتافـي ومـــــــش حاسه
و لسّه أنا برضه مايئستش
و طبــــــعاً حسّوا بظــــروفنا
وحطّولنا إمتــــــحان فوازيــر
وكل أمّا آجي أحــل ســـــؤال
أقف أدامــــــه زي الــــــزير
و لسّه أنا برضه مايئستش
وجينا في لجنة الشـــــــــفوي
وكان أدّامي واد كـوسه
خد الفول مارك مـ الدكتور.
وخد فوقهـــــــم كــمان بوسه
و لسّه أنا برضه مايئستش
سنه بتمشــي وســــنه بتيجي
مقـــالـــب بعـــدها مقــــــالب
زمايلي إتعينوا و قبـــــــضوا
و أنا شايـــــل لـــــــقب طالب
و لسّه أنا برضه مايأستش
كبـــــــرنا شـــويه وقــــالولنا
خلاص دلوقتي شوفوا حالات
و رحنـــــــا نشوف وكالعاده
دا كله بيطلع إشتــــــــــغالات
و لسّه أنا برضه مايأستش
لحد ماخلصم السبــــــــــــعه
وقلت خلاص هروق وهعيش
و قبل ما أفوق من الصــدمه
خدوني عشان أخـــش الجيش
و لسّه أنا برضه مايأستش
وقعت هناك في إيــــد ظابط
ظغرلي وقال يا بســــــكوته
أحب أبـشرك إنــــك معــايا
هتطـــــــفح الـــــــــــكوته
و لسّه أنا برضه مايأستش
خلااااص السبعه بقوا عشرة
ولسه أنا ماشي جنــب الحيط
و بان السن علــــــــى وشي
و شعري إبيـــّض و إصلعيت
و لسّه أنا برضه مايأستش
وبعد ما قـــــلت كــــــــفاره
خلاص هرتاحلى بقى كام يوم
لاقيتهم تـــــــــانــي واخدنّي
عشان تكليـــــــــفي في السلوم
و لسّه أنا برضه مايأستش
و قلت هنـــاك هآخد قرشين
آكل منهم و أجيـــــــــب لبسي
فوجئـــــــت يا عيني بمرتب
مايقضــــــنيش حتى شيبسي
و لسّه أنا برضه مايأستش
و بعد الـــعمر دا كـــــــــــله
رمــــــوني في وحـــده صحية
نسيت الطب أنا فيـــــــــــها
وبقــــــــيت زي التمــــــرجيه
و لسّه أنا برضه مايأستش
و آديني بعيش وهعمل أيـه؟؟
ماليــــــــش ولا حوا ولاقوة
وحيد غلبان وحتى مافـــيش
جـــــواز علـــى نفــــقة الدولة
و لسّه أنا برضه مايأستش
قام الدكتور صعب عـ الناس
و فــــــضلم يـــبكوا على حاله
و حتى الفوطة نســــــــيوها
ولموا فلــــــــــوس وسابوهاله
و قال دكتورنا عـ الفوطــــه
تعــــــالوا هشـــــيلها أنا بكرة
لكن اهل المريض قالــــــوا
خلاص
هنسيبها للذكرى
| |
|
مدحت شيتوس
عضو جديد
عدد الرسائل : 507
العمر : 35
المزاج : راااااااااااااااايق فى بعض الاحيان
العمل\الترفيه : كره القدم واكون مع اصحابى على طوووووووووووووول
تاريخ التسجيل : 09/02/2008
| | موضوع: رد: ليه الدكتور نسي الفوطه؟؟!!! السبت 17 مايو 2008, 17:12 | |
| هو نسى الفوطى علشان كان عايز ينسى الفوطه
وشكرا | |
|
Y a S s e R
المشرف العام
عدد الرسائل : 4319
العمر : 37
العمل\الترفيه : FedEx Express
تاريخ التسجيل : 16/01/2008
| | موضوع: رد: ليه الدكتور نسي الفوطه؟؟!!! السبت 17 مايو 2008, 17:18 | |
| هو ده حال كل الطلبه مش طب بس
بس لكل مجتهد نصيب
شكرا My sweet | |
|
sweet bird
عضو جديد
عدد الرسائل : 189
العمر : 38
العمل\الترفيه : ???
تاريخ التسجيل : 08/04/2008
| | موضوع: رد: ليه الدكتور نسي الفوطه؟؟!!! السبت 17 مايو 2008, 17:41 | |
| صح يا شيتوس برافو عليك
وبرافو عليك بردو يا يسّور
شكرا على مروركم وردودكم | |
|
