بفضفض 3

هفضفض النهارده عن اول قصة حب في حياتي
مش عارف اذا كنت عشتها بجد ولا ده برضه خيال وسرحان من الي كنت عايش فيهم
بس الي انا فاكره جميل اوي ومش بسهوله انساه
ايماها كنت في خمسه ابتدائي لسا في ابتدائي هو انا ابتديت بدري شويه الموضوع ده
بس اعمل ايه قلبي كده من زمان مستعجل عالدنيا اوي
المهم
كان الفصل بتاعي مشترك ومعايا بنات زمايلي في الفصل بس مجرد اخوات واصحاب
مش اكتر ولا اقل من كده
وكان في من اصحابي الي عايش حالة الحب دي مع حد تاني
وانا طول الوقت بتفرج لا انا مستغرب ولا انا محتاج مجرد اني بتفرج وخلاص وكنا شله كبيره شويه وكنت انا
الفنان الي فيهم يعني كلهم كانو بيحتاجولي في مشاكلهم العاطفيه
واحد عايز يكتب جواب اكتبهولو واحد مش عارف يقول ايه يجيلي وانا اقوله يقول ايه
كنت انا طول الوقت برسم قصص الحب الي حوليا وبشوف كلامي وهو بيتحقق وبيكبر الحب جوا قلوبهم
يعني كنت ببقا مبسوط
وهما كان شاغلهم طول الوقت انا ليه مفيش حد في حياتي اذاي
واذاي انا مابحبش لدرجة انهم حسو اني مخبي عليهم واني مابعتبرهمش اصحابي عشان اتكلم معاهم
وزعلوا معايا واتحولت المشكله مش اني مابحبش لا اني مخبي عليهم سر انا شايف
اني ماينفعش ااتمنهم عليه
ومن كتر زنهم عليا وهما عمالين يقولولي انتي مخبي علينا ايه واحكيلنا وقولنا طيب شكلها ايه طيب هيا مين
معانا في المدرسه ولا في مدرسه تانيه
اضطريت اكدب عليهم وقولتلهم هيا في مدرسه تانيه عشان اريحهم واخلص بس للاسف هما ارتاحو وانا ابتديت اتعب وابتديت ادخل في حكايه انا لحد دلوقت مش قادر احدد اذا كنت عشتها فعلا ولا لا
سيبتهم ومشيت تاني يوم اسئله كتير منهم كلهم اسمها ايه قولتهلم على اسمها وكان الاسم الي انا اخترته مها
كانت حبيبتي اسمها مها طبعا كانت اجمل بنت واحلى ابتسامه في تاريخ البشر
كنت اقعد بالساعات احكيلهم عنها وعن رقتها وعن احسسها بحبها ليا والي بتعملو معايا
كان كلهم يتمنو يعيشو ولو يوم من ايامي مع مها
وكل مايشوفوني مضايق .. انت زعلان انت ومها طيب نصالحكو
طيب خليها تيجي حفلة الكورال بتاعت المدرسه طيب نعمل عيد ميلاد كده اي كلام ونعزمها ونصالحكو
وانا كنت اقول الي بيني وبين مها اكبر من اي زعل ممكن يضيعه مسئلة وقت وهنرجع لبعض
كانو هما ديما يبداو وانا اكمل
للاسف انا حبيت وجود القصه دي في حياتي واتأثرت بيها جدا مبقاش مجرد كلام بقوله
انا نفسي لفترات طويله كنت في حالة انتظار للبنت الي انا بتكلم عنها وبوصف فيها للناس والي بقوا يعرفوها
واخبارها تهمهم لدرجة اني استغربت معقوله هيا فعلا مش موجوده ولا انا بحلم ولا ايه
استمر الموضع طول سنه وانا عايش في قصة الحب دي وكل الي حوليا مستنين يشوفو حبيبتي
وكلهم برضه بيحبو القصه دي اوي وعايشين عليها
كنت انا اول امل في حياة اصحابي كانو شايفين اني لو قصتي نجحت هما هينجحو ويعيشو ويكملوا
ولما كنت انا سبب في استمرار الحب بينهم هما اتمنولي السعاده بجد من كل قلبهم
وكنت اختفي ايام كتير وابعد شويه واهرب شويه ولما كانو يسئلوني كنت بقول اني مشغول شويه معا مها
لما كان تليفوني يبقا مشغول بيبقو متاكدين اني بكلم مها
يعدو عليا عشان نخرج ولا نروح النادي اقولهم لا انا هشوف مها النهارده مش فاضي
ودخلنا في السنه التانيه على الحال ده وانا فعلا بقيت مش قادر اتصور حياتي من غير مها
اكتشفت اني ماكنتش عايش قبل الحكايه دي واكتشف اني احساسي الي كنت بفرقو على الناس
اقل بكتير من احساسي باول حب في حياتي
اول حب .... يمكن ..... اول حب الي مش عارف حقيقته ايه
تعبت جدا ومبقتش قادر افوق وحسيت بضغط فظيع من كل الي حوليا واكتابت فتره بسبب الحكايه دي
لحد ماصحيت في يوم قولت لاذم مها تخرج من حياتي عشان اقدر اعيش
انا كده كده مستحيل اني اوصلها في اللحظة دي كنت فعلا انا بحبها جدا
بس هيا مين هيا فين انا الوحيد الي عارف نص الحقيقه
اتمنيت ساعتها انها تكون قدامي اتخيلت ساعتها انها كانت موجوده وهيا الي همست اسمها ليا
وهيا الي خادتني لحكايتها اتخيلت انها ممكن تكون جنييه....اتخيلت.....حاجات كتير
وعشان افارقها كنت لاذم افكر هقول لاصحابي ايه
بعدت كام يوم ورحت النادي بعدها وشوفتهم وكنت زعلان اوي وعنيا ماليها الدموع
ولما سئلوني قولتلهم مها سافرت بره مصر ومش راجعين مصر تاني اذاي ده حصل وامتى ابدا بباها سافر بره عشان شغله وخدهم معاه
سيبتهم ومشيت ومقدرتش اكمل كلامي وهما سابوني امشي
ياه انا كنت زعلان اوي بشكل وبكيت كتير جدا
بس مش عارف بكيت ليه
بكيت عشان القصه الي معشتهاش ولا بكيت عشان الكدبه الي صدقتها
ولا بكيت عشان الحكايه خلصت
وانتهت مها عند اصحابي لكن ماانتهتش عندي انا بعد فتره لاقيت انها علمت جوايا
كاني فعلا عرفتها وعشت معاها اجمل ايام حياتي
وجيت في يوم روحت كتبتلها رساله وقولت لو هيا موجوده في عالم تاني اكيد هتقرها
وجبت ازازه وحطيت الرساله جواها وقفلتها وسيبتها في النيل بعتها بالطريقه الهنديه يعني
مش عارف وصلت ولا ماوصلتش
وصلت
..........وصلت
انا بسئلكو وصلت.........

اقروها تاني

ممكن تكون لسه وممكن تكون وصلت وحتى لوماوصلتش مسيرها هتوصل فى يوم من الايام
عجبتنى اوى فكره الطريقه الهنديه دى الازازه جميله
بس وانا بقراها عمرى ماحسيت ان طفل هوا الى جواه الكلام دا
بس الكلام تحفه
بجد جميل فى ناس كتير من احتياجها للحب بتتخيل اشخاص وهميه وبتفضل عايشالها فتره كبيره من الزمن لا وبتبقى مخلصالها كمان
زى مانت اخلصت لمها دى الى مالهاش وجود
بتبقى بداية دخول لسن المراهقه
بس قصة رائعه
بجد انت موهوب جدا فى الكتابه

يا بختك يا مهااااااااااااااا

تعرف انت ليه اتجننت بيها

عشان هيا كانت فى الخيال وانت حبيتها

ورسمت فيها اجمل الصفات

واجمل الاحلام

بجد يا جرين هارت

مش عيب كدبتك دى اولا لانك كنت طفل

ثانيا انت لو كنت شفتها فى الحقيقه يمكن مكنتش تحبها

زى ماحبيتها فى حلمك

اكيد الرسالة وصلت واحنا هندور معاك على مها

انا فعلا احب ابدى اعجابى الشديد

بكتابتك يا جرين

انت بتشجعنا احنا اصلا عالكتابة معاك

الواحد زمان لما كان صغير

عن نفسى كنت افتكر ان الحب ده

حاجه خاصة بالكبار وعيب جدا

عيب انى اقول انا بحب

لكن اكيد الحب ده مش محتاج

ان الكبير يفهمه للصغير

الصغير هيكتسبه لازم لانه غريزة فطريه

عن نفسى مكنش عندى حب وانا صغيرة فى الابتدائى

بس كان فى الاعجاب

كنت معجبة بناس كتير

كنت اتمنى لما اكبر ان شريك حياتى

يكون زيهم كده

لان فصلنا كان كله بنات

ومعانا خمس اولاد بس

بس اقصد خمس شياطين

انا كنت قاعدة ادامهم على طول

كانوا معايه كويسين جدا بس علمونى الشقاوة

بس لما بفتكر الايام الجميلة دى الواحد

مش بيعمل حاجه غير انه يحلم

اكيد ياجرين لما بتتمنى حاجه ومش عارف

تلاقيها فين صدقنى هتلاقيها فى الحلم وبس

شكرا ليك وهنتابعك مرحلة بمرحله

شكرا ادمن جدا
وشكرا على المجامله الجميله الي بتشجعني ديما
ربنا يخليكي يارب

شكر خاص ل فله وردة المنتدى
وشكرا على زوقئك
انتي انسانه هايله
وانا مستعد اسمعك جدا في مركز الاستماع

ياااااااااااااااااااااااااه
قصه جميله قوى
انا كنت بعمل زيك كدا بس مش بنفس الطريقه
اجمل حاجه ان الانسان يعيش مع خياله بتبقى
اسعد اللحظات

Prinzessin
شكرا لمرورك
لو في شيء جميل اكيد في الاجمل منه
هنعيش ونموت ولسا معرفناش كل حاجه عن الدنيا
شكرا ليكي مره تانيه

ولسا في باقي

جميلة قوى بس انا ما حستش ان اللى بيتكلم ده طفل فى 5 ابتدائى حب و حاجات
مابقاش فى اطفال اليومين دول

صح مبقاش في اطفال بس مش من اليومين دلو
من زمان
انتي عندك حق معقول في اطفال كده
بس للاسف كان في اكتر من كده كمان واصغر من كده كمان بسنيين
الحب مالوش عمر ولا سن ده حقيقي
طيب تقولي ايه في كان بيحب من كي جي تو
ينفع ممكن ماينفعش
بس في نقطه احنا ممكن نبص لتجربه زي دي في السن ده ونضحك ونقول لعب عيال
صح
طيب تقولي ايه فينا احنا الكبار
لما الي اكبر مننا لما يبصولنا ويتريقو على مشاعرنا ويقولو علينا لعب عيال برضه
تقولي ايه
على فكره الي عايش التجربه هو بس الي حاسس بيها كبير صغير ماتفرقش المهم انه حاسس
وعايش وبيحب ومبسوط بالدنيا وهو كده
وهو الوحيد الي يقدر يتكلم عن الاحساس ده لانه هو الي مر بيه
لما واحد يبص للحب من فوق اوي ويقول عليه تهريج
ده واحد قلبه فاضي وعمره مافيوم حس بيه حتى من اقرب الناس ليه
لان فاقد الشئ لا يعطيه

تابعي معايا في الي جاي لسا في كيتر

ولسا في باقي

جرين هارت

شكر كتير الك احب اقولك

ان انت لو مكنتش حبيت من وانت طفل ممكن مكنتش تكون

بالعقلية الرائعة دى

فى رايى ان الحب بيبصرنا على امور كتير

بيكشفلنا جوانب كتير

لما نحب حد بنكسب ثقته ويكسب ثقتنا

بيحكلنا عن كل حياته نتعلم منها المفيد

ده الحب

نفسى اتحرر من قيود كتير عشان اكتب معك

بشكركو جدا والله من كل قلبي
وتابعو معايا
في بفضفض 4 .. اكشن
اوكيه يلابينا

جرين ..........بجد بجد.......برااااااااااااااااااافو..........اسلوب كتابتك جميل قوى.........والقصه نفسها رقيقه جدا..........وانا بتهيقلى ان كل انسان فى الدنيا دى عنده مها فى خياله.................

بصراحة اول ما قريت الموضوع قولت ازاى ده فى ابتدائى بس لما افتكرت اللى كان بيحصل
لاقيت ان احنا كنا بنعمل كده و اكتر شويه
يعنى مثلا كان عندنا فى الفصل ولد زى القمر و المشكلة ان كل البنات كانت بتحبوا جدا يعنى افتكر فى يوم
وقفت فى نص الفصل و قولت مين بيحب احمد البنات كلها رفعت اديها و كان فى بنت مارفعتش اديها فكلنا خاصمناها
ازاى وازاى ش بتحب احمد
والله حاجة تضحك قاليعنى ممكنة ميت واحدة تحب واحد
لما بفتكر الايام دى بتمنا ترجع تانى
وشكرا يا جرين

مين مايحبش احمد
الله عليك يابو حميد
طيب فين الحكايه دي والتفاصيل
فين عايزين نعيش معاكي الايام دي

زمان بقى كان احسن ولد عندنا فى المدرسة امور كمان بيطلع من الاوائل يعنى ما يتعيبش
وكلنا طبعا بنروح نتلصق فيه وهو يقولنا نمرة تليفونى كذا اللى عايزنى يتصل بيه
وكنا بنلعب معاه فى الفسحة و فى مرة جبت خاتم فى علبة وقلتلهم احمد خطبنى وعشت الدور اوى
لما بشوفة دوقتى بضحك وافتكر كل ده بس للاسف احمد اتغير اوى عن زمان مابقاش امور زى الاول
بس هى دى الحكاية

هههههههههههههههههههههههههههه
الله عليكي
جميله اوي بجد
ولو راح احمد في مليون احمد

والله يا جريين القصة رائعة بجد
بس احسن حاجة انك عشت قصة حب فى خيالك
واتخيلت فيها كل حاجة حلوة
يعنى كان ليك حق انك تعشقها لانها من صنع خيالك انت
وانت اللى مختار كل تفاصيلها
اما الحب فى حياتنا دلوقت بقى كله صدمات
اللى يحب حد والظروف تمنع واللى يحب حد ويطلع فيه صفات ميقدرش انه يكمل معاها
ياريت كلنا نحب ناس نتخيلهم فى مخنا ونعيش معاهم احسن مانتصدم بالواقع اللى احنا فيه
للاسف اغلب قصص الحب اللى بشوفها دلوقت قصص فاشلة
معلش نظرتى فيها تشاؤم
بس ده رأيى ووجهة نظرى
وشكرا ليك جرين

لأ بجد لذيذة بجد بجد حكاية لذيذة جدا و ايه الخيااااااااااااااااااااااااال دا لالالالالالالا بجد مش عارفة اقول ايه ... دا انت غلبتني HEART