بفضفض 2

ايامها كنت في ابتدائي
كنت في مدرسه خاصة مشتركه بنين وبنات
كنت بقا حته طفل زي الكتاب مابيقول وتلميذ نموذجي
الصبح الساعه سبعه اصحا بالضرب وكتير كنت اعمل نفسي عيان عشان مارحش المدرسه
لكن على مين
كنت بصحى الاقي نفسي في المدرسه
هدومي مكويه الشوز بتاعتي متلمعه السندوتشات في الشنطه شعري فرق من الجنب
مصروفي في جيبي
مش ناقص غير اني اتعلم
طبعا العكس بس هو الي كان بيحصل
كنت بقعد في الفصل ذي التخته الي قاعد عليها كانت كل دماغي في الرسم
والسرحان والخيال بس كنت موهوب في موضوع الرسم ده جدا يعني دي الماده الوحيده الي كنت بعمل
الهوم وورك بتاعها اذا كان فيه اصلا
كان عندي مشكله مع باب الفصل
بصراحه عمري مانفعته ابدا يعني ماكنتش بدخل ولا بخرج منه زي الناس كنت بدخل وبخرج من شباك الفصل
مش عارف ليه وكنت كل يوم اتضرب بسب الموضوع ده وبرضه كنت مصر على كده
الواجب كنت بعمله اول يوم في السنه وباقي السنه كنت باجي على نفسي واتحمل الضرب من البيت والمدرسه
اما بقا بالنسبه للكشاكيل اه مراكب وطيرات
كان ليا صديق كنت انا الي عامله
يمكن ماتصدقونيش بس هيا دي الحقيقه صديقي ده كان صرصار ايوه صرصار
كنت راسمه على الحيطه الي جنب التخته بتاعتي وانا في 3 ابتدائي وكنت بفضل اتكلم معاه اليوم كله وكنت باكله من السندوتشات بتاعتي
يعني كنت بعزم عليه وكانه كل او انا كنت بحس انه بياكل المهم اني كنت بطمن عليه
كنت كل يوم اغير لونه واكبر حجمه شويه لانه بيكبر زي برضه
وكنت حاطط ورقه عليه عشان محدش يشوفه ولا يعرف حكايته كنت خايف لا ياخدوه مني
وفضلنا انا وهو اصحاب لمده 3 سنين وانا كل يوم طول منا في المدرسه اسئل عليه واتكلم معاه حتى لما طلعت سنه رابعه كنت في نفس الفصل
وفضلنا اصحاب ومجدش من اصحابي التانيين كان يعرف غير واحد بس
لحد ماطلعت سنه خمسه والفصل بتاعي اتغير اضطريت ساعتها اسيبه وغير كده هما كمان دهنو الفصل
وزعلت عليه جدا وقتها
بس رحت رسمتله صوره تاني ورحت دفنتها وقريت عليه الفاتحه والله كان اوفى صديق
كنت بستريح جدا لما كنت بحكي معاه
الصرصار الي كل الناس بتقرف منه انا لاقيته برضه بيعرف يحس وبيفهم
ياااااااااه ايام

ولسا في باقي

جرين هيرت اكيد كنت طفل

رائع وموهوب من صغرك

حلو اوى حكاية الصرصار

عجبتنى اوى

انا وانا صغيرة او لغاية دلوئت

بيصحونى بالعافية للمدرسة او للكلية

كنت زمان اصحى اخويه عشان يركبى فى الباص

ولو هو مش موجود فى البيت

ومسافر مرحش وافضل ابكى

اخويه والله مرة رمانى جوا الباص من الشباك لانه زهق منى

كنت بخاف وانا فى الحضانه

كان فعلا سجن لسه فاكرة الاجواء

احلى مرحلة كانت الثانوى اكيد

بس لان فضفضتك لسه موصلتش لثانوى

خلينا معاك للنهاية يلا

بحب كتير موضوعك ده ياجرين هيرت

hiiiiiiiii green
i just love it
he idea , the way you tell us about these days
it is all
just wonderful and i will wait for your extra effort
heyyyyyyyyy
by the way
i will miss you
hhhhhhh
seito

فضفضه جميله يا جرين بجد
شكلك بتحب طفولتك اوى
يلا مستنيين الباقى

الاجمل من اني بفضفض وبحكي
ان في ناس جميله زيكو بيهتموا وبيقرو كلامي بشكركو جدا

شكرا كتييييييير فله وحكايتك مع اخوكي تحفه
انا اتخيلتها ...بجد دمها خفيف... ابقى كمليها

ياعم سايتو منورني والله وبشرفني وجودك
انا بفهم انجليزي بس لو باقي على العيش والملح قول بالعربي

ادمن انا طبعا بحب طفولتي جدا مش طفولتي بس انا بحب كل يوم عدى في حياتي ليا فيه ذكرى
انا عندي تفاصيل كتير وحكايات اكتر بس مش همشي بالترتيب

يوم والتاني هكمل الفضفضه
الى اللقاء

بجد موضوع الفضفضه ده جميل قوى
وانا بستمتع جدا بيه
واسلوبك تحفه بجد يا جرين
ومستنين الباقى

احلى ايام فى حياة اى انسان هى الطفولة
المشكلة واحنا صغيرين نقول امتى نكبر و احنا كبار بنقول امتى نرجع
الانسان مش بيعرف قيمة الحاجة الا لما بضيع منه
فضفض يا جرين و لا يهمك كلنا مستمتعين بكلامك بتفكرنا بحاجات بجد تحفة شكرررررررررررررررررا

كملو معايا

في بفضفض 3

مستنيكو هناك