هحكيلكم عن الظلم يا طلاب الالسن

مفيش اصعب من انك تشوف ظلم واهانة لانسان وانت واقف

تتفرج.........

ومش عارف تعمله حاجه

الموقف ده حصلى النهاردة وانا راجعه من الكلية

ومروحة البيت عند مرور المنيا

عند المرور لاقيت 4 امناء شرطة مسكوا شاب مصرى

اعتقد انه سواق ميكروباص مسكوه لانه رفض انهم يسحبوا رخصه

مسكوه دخلوه غرفه سمعت منها صررررررراخه

سمعت صراخ حسيت انه بينادى على

بينادى على اخوه واخته المصريين


انهم ينقذوه من الى هو فيه

وسمعت ضرب

قلت لامين شرطة كان واقف حسبى الله ونعم الوكيل فيكم

قالى بكل برود امشى طيب

ياجماعه انا كتبت الموضوع لانى حزينة جدا

حسيت انى بجد بكره الشعب ده

الشعب الى اتعلمنا منه الخضوع والذل

اعتقد الى شفته النهاردة لو حصل باى بلد تانى

هتقوم فيه القيامة عشان ياخد الشاب ده حقه

لما شفت الموقف ده افتكرت البطل عماد الكبير الى لما وقف يدافع

عن ابن عمه اخده الظابط واعتقله واهانه كتيرررررررررر

الموقف ده عمرى ماهنساه بجد عمرى ماهقدر انساه

من ساعه ماجيت لغايه لحظة وانا بكتب الموضوع وانا ببكى

اوحش حاجه الظلم وان تتهان ومحدش يساعدك وانت لوحدك

معرفش كلمة النهاية تكون ايه

بس بجد ...............حرام الى بيحصل ده

fulla_flower

حسبى الله ونعم الوكيل

حسبى الله ونعم الوكيل

المشهد دا يا فلة بيتكرر كتيير و بدون مبالغة فى كل مكان فى مصر لكن المشكلة الكبيرة مش فى امناء الشرطة لكن فى اللى اكبر منهم وكل واحد بيطلع عقده على اللى اقل منه والناس دى لولا انها خدت فرصتها مكنتش هتعمل كده

حسبى الله ونعم الوكيل
هى دى بلدنا
والمشاهد دى بتحصل كل يوم
بس محدش يقدر يعمل حاجه

حسبى الله و نعم الوكيل
بس يا فلة احنا اللى عمالنة فى روحنا كده اتعودنا من زمان ان محدش يتكلم محدش يرفض مححدش يقول لا
لو السواق راح عمل محضر تانى يوم او حتى بعد ما طلع من عندهم على طول اكيد كان هياخد حقه والعيار اللى
ما يصبش يزعج حتى لو ماطلش حاجة
بس هنعمل ايه؟؟؟؟؟ احنا السبب

مرسى لكم كلكم على التعاطف

بس والله طول ماحنا بنشوف وبنسكت ونقول

منقدرش نعمل حاجة

نبئى نستاهل

قديمة انا شفت حاجات اكتر من كدة

نفسى ياهشام يجى اليوم الى ننضف فيه بلدنا

من النااااااااااااس دى

لا متعشميش يا فلة
انتى فلة ولسة مفتحتيش
وزى ما قال مصطفى
فيه من دا كتير وانتى مشفتيش حاجة
واللى بيقولك كان عمل محضر
انا بقولك والله كان هيطلع هو اللى غلطان
وحسبى الله ونعم الوكيل

ان شاء الله هيجي اليوم ده بس عايزه اقولك حاجة ده بيحصل في كل مكان بس بدرجات متفاوتة وربنا يرحمنا برحمته