بفضفض

اجمل ايام حياتي
كنت لسا بشوف الدنيا بالالوان الطبيعية
كنت عارف ان ده وقتي وده مكاني
كنت بحب كل حاجه حوليا
اهلي اخواتي اصحابي لعبي
كل تفاصيل حياتي امبارح وانا عمري اربع سنيين
منحوته جوايا
كاني ماعشتش ولا هعيش بعد السن ده
وكانها هيا دي قصة حياتي
الاصليه وكل الي حصل بعد كده اسرع من الضوء
مخدتش بالي منه
صحيت لاقيت نفسي كبرت
فين الناس فين الدنيا فين الحقيقه
هو انا كنت بحلم يمكن كنت بحلم وعرفت ليه كنت بحلم
لان من المنطق ان العمر بيجري
ومستحيل انك تقف قصاد الزمن وتقول انا مش هكبر مالكش دعوه بيا
وبقا عمر الاربع سنيين اجمل حلم حلمته في حياتي
واجمل حلم بفتكره

هكمل بعدين

جرين هيرت بحيك بجد على كلامك الرائع ده

فعلا اجمل شى سنوات الطفولة والبراءة لما

كنا نغلط محدش يحاسبنا لكن الان ناس تقفلنا على الغلط

اكيد كنت تحلم بس حلم جميل

اكيد بيوم نصحى على الواقع

ونشوف اننا ورانا هموم ومسئوليات كتير

كنا زمان نتمنى نكون كبار

والان نحلم نعود صغااااااااااار

اشكرك اخى

كلام حلو قوى
اكيد فتره الطفوله كانت جميله بكل ما فيها
من لعب وجرى من غير ماتشيل هم حاجه
بس كمان كل فتره وليها جمالها وانا اللى
ائدر اخلى كل حاجه جميله لما اشوفها جميله
وبعد شويه لما نتجوز ونخلف ومسؤليتنا تكبر
نقول فتره الشباب كانت احلى انا اعتقد ان
كل فتره وليها جمالها

ميرسى يا جرين على كلامك الجميل ده.......
وانا مع راى برينسيزين....كل فتره وليها جمالها الخاص....كل سنه بعيشها زى ما هى.... لا بافكر فى اللى قبلها..... ولا بفكر ف اللى
بعدها......

فترة الطفوله فتره جميله
وفى ناس بتكبر ومهما كبرت بتبقى طفولتها عايشه جواها
بس عايزين نسمع باقى الحكايه

امبارح وانا عمري اربع سنيين
كنت عايش في بيت صغير بس بالنسبه لحجمي في السن ده
كنت بحس ان سقف البيت هو السما
لما كنت بنام كنت بفضل باصص للسقف وكاني مستني المطر ينزل
كنت بجري فيه لحد ماتعب كنت بلعب كنت برسم على الحيطان
اصحاب ليا وكنت بكلمهم وبسهر معاهم
امبارح وانا عمري اربع سنيين وقبل كده كمان
كان ليا واحد صحبي كنت فاكر انه اخويا لانه مكانش بيمشي من بيتي ابدا كان ديما
قاعد معايا لدرجة فعلا اني كنت فاكره اخويا
هو كان وحيد وكان ديما يحب يلعب معايا الكلام ده
فات عليه عشرين سنه تخيلو اننا لسا اصحاب لحد دلوقتي
ده يعتبر صاحب عمري
وهو من اهم الحاجات الي حصلت في عمري والمرتبطه بيه كل فترة الاربع سنيين
انا حاسس اني فاكر كل التفاصيل انا فاكر اول نظره من عين امي
انا حتى فاكر لو عنيها من الوقت ده مش لما كبرت
وزي منا فاكر حنانها عليا عمري ما هنسى اول علقة بلاش افتكر عشان مازعلش
الي بيتعبني في ذكرياتي دي انها بتجري ورايا ديما وبتفكرني بيها ديما
وطبعا فرق الاحساس هو الي بيعزبني
انا بقول لنفسي انت ماكبرتش اوي للدرجادي عشان تحزن على طفولتك
بس بجد لو باقي في عمري قد الي فات نفسي اعيشه وانا طفل
ههههههه انا افتكرت دلوقتي اسم الي كانو بينادوني بيه طبعا اسم الدلع
مين فينا مكانش بيدلع بس انا كانت عندي مشكله مع الدلع من صغري ماكنتش احب
ادلع ولا حد يشيلني ولا حد يناديني باسم غير اسمي
الغريب في النقطه دي اني كنت شايفهم مصرين يغيرو اسمي
وانا طفل
كان بيدور في راسي هما ليه بيقولولي اسم مش اسمي ده حتى وحش
هما يقصدو ايه .. وطبعا الدلع بيقا تحريف الاسم الاصلي .. والي ذاد الطينه بله
ان التحريف ده ..اتحرف كمان لحد ماجيت في يوم اتفاجات باسم تاني خالص
خدت في الموضوع ده كذا سنه وكنت بواجه الموضوع ده اني الي ينادي عليا بالااسم التاني ماكنتش برد
ويكلمني ماردش لحد مايناديني باسمي ارد عليه ساعتها يعرف قصدي
انا علاقتي باسمي علاقه خاصه جدا
بحبه اكتر من نفسي ومتصورتش اسم تاني غيره ليا
اوقات بحس ان حروفه هيا تفاصيل شخصيتي
وشكله هو ملامح وشي
وصوته هو صوتي
يعني كفايا لو عايز اتكلم عن نفسي اقول اسمي
......وكملكو بعدين

مستنيين منك الباقى جميل اوى ان عضو فى المنتدى يتكلم عن نفسوا كدا بكل صراحه
ياريت كلنا نفضفض كدا مع بعض
عشان لازم كلنا نسمع بعض

شكرا ادمن وشكرا كل الاعضاء الي بجد فرحوني جدا
باهتمامهم
وانا هكمل انشاء الله

جميله وبريئه قووووى القصه دى......
عايزين الباقى

fullaشكرا

Prinzessinشكرا

NOODY شكرا

Admin شكرا

ولسا في باقي

مستنين الباقى

شكرا ليك يا جرين
انا عايز اقولك انك بجد عندك احساس عالى قوى
تعرف انى وانا بقرا موضوعك ده عنيا نزلت دموع ودلوقتى وانا بكتب كمان
علشان تقريبا كل اللى قلته هو نفسه اللى كان بيحصل معايا وانا صغير
افتكرت احساسى انى همسك السما لما اكبر وإنى عمرى ماهعمل حاجة غلط
افتكرت انى لما كنت اتخيل نفسى فى الغلط ازعل قوى
واعاقب نفسى بإنى ماكلش وماما تقعد تنادى على علشان الاكل وانا اقولها مش هاكل
كن اقعد فى اوضتى وافتكر كل حاجة عملتها فى اليوم ده ...............يااااااااااه
كانت فعلا ايام جميلة مليانة بالبراءة والنقاء
ولو بإيدى ارجع اعيشها تانى
شكرا ليك جرين انك فكرتنى بالاحساس ده ومستنى الباقى
مع تحياتى
سايتو

شكرا سايتو
وانشاء الله قريب هكمل

انا لو حبيت افضفض

هقول ان احلى حاجة عشتها فى طفولتى

لما كنت انا وولاد عمى بنلعب

قد ايه لما بنفتكر الى بنعمله بنضحك

ويمكن نبكى على الايام الى خلاص راحت

ومحدش بكرة عارف الايام هتودينا على فين

ياترى مين هيبعد عنا ومين هيفضل قريب

ياريت ياختى وياولاد عمى نبئى دايما قريبين

ونفتكر الايام الحلوة.........

نفتكر ازاى كنا بنعمل اعياد ميلادنا ونتصور

ولسه بنستغرب على الصور لغاية النهاردة

الصور الى هى لمحة من حياتنا وعدى عليها كتير

فاكرين لما كنا نسافر مع بعض

فاكرين لما بنغيب ونرجع نسال على بعض

لو نسيتوا مش مهم

مهم بس تعرفوا انا بحبكم قد ايييييييييييييييييييييييييه

يا شيماء ويا رضوى ويامازن

بجد شكر كبير ليك ياجرين هيرت

بجد انت رائع

شكرا ليك وبجد احلى ايام حياة اى انسان هى طفولته
مستنين الباقى يا جرين

الباقي في
بفضفض 2
كملي معايا