هما عايزين ايه؟؟؟؟؟؟؟

من كام يوم كده سمعت الاوبريت بتاع الضميرالعربى

والحقيقه ان الاوبريت مؤثر جدا لدرجه انى مقدرتش اكمله
وقعدت اعيط واتنكدت بس بعد كده قعدت افكر همل عملوا
الابريت ده ليه؟ يعنى ايه الهدف منه عشان نعيط ونتاثر
ونقول الحمد لله على الامن اللى فى بلادنا ولا عشان
ندعى عليهم ونقول حسبى الله ونعم الوكيل ده اكيد مهم
بس تفتكروا ده كفايه؟ يعنى احنا هنحل المشكله لما نعمل
كده ولا ايه ؟ طيب هما بيعرضوه ليه عشان يحسسونا بالعجز
ولا عشان ندعى على حكوماتنا انهم ساكتين انا بجد مش فاهمه
انا ما بقولش ان الكليبات دى متتعرضش بس المفروض تكون
خطوه لهدف كبيريعنى مثلا بعد لما يعرضوه يستغلوا
المشاعر اللى اثاروها ويعملوا مشروع او دعوه او اى حاجه عمليه
تفيد الناس دى يعنى مثلا يلموا تبرعات لفلسطين اى حاجه عشان الناس
تحس انها عملت حاجه مش كفايه اننا نقعد نعيط وندعى على العدو
انا شايفه ان دور كل واحد فينا انو يشتغل بجد كل واحد فى مكانه
ومجاله يفكر ويبدع ويتعب عشان نتقدم ونصبح قوه عظمه ونقدر
نقول لا فى وش اى حد ومنطاطيش راسنا لحد ونبطل نتكلم
ونبدا نشتغل بجد
ده راى المتواضع وعايزه اعرف رائيكم ايه؟؟؟

رايى ان كل ده كلام فاضى
كل المغنين دول هل فعلا عندهم
الانتماء اللى بيظهروه فى اغانيهم
ولا هيه شهرة فى وسط الزيطة وخلاص
وعلى العموم يعنى هيه جت على دووول
اقرى الفاتحة ع البلاد اللى راحت ومش راجعة

فعلا الحكايه مش حكايه اغانى وخلاص
ونقعد نقول كلمتين وفى الاخر نقعد ساكتين
المفر وض نعمل حاجه ويكون لينا دور فى الوقوف جنب الشعوب دى
مش نقعد نغنى ونعيط وخلاص
احنا اكيد ر بنا هيحاسبنا على سكوتنا ده
لازم بجد نعمل حاجه
ومير سى برنسيسه على موضوعك الهايل ده

ميرسى ليك يا احمد على مرورك
بس هما فى منهم اللى عنده انتماء
بجد وفى منهم اللى زى ماانت بتقول
رايح عشان الشهره
بس خلى عندك امل ان البلاد
دى راجعه لان دى مهمتنا

ميرسى ليكى يا روبى على ردك

بصى فى ناس رايحه وسط الزيطه وفى ناس نففسها تعمل حاجه بس مش قادره
وفى ناس رايحه شهره وفلوس
وكل واحد ونيته
الاغانى مش وحش يا برنسس
على الاقل مابين كل مدى والتانى بنفتكر ان فى ناس معذبين وفى وفى
اى نعم هى مالهاش اى اثر رجعى او فايده
بس اهو نص العمى ولا العمى كلوا زى مابيقولا
وطبعا انتى معاكى حق فى كلامك

الصوره اصدق من اي تعبير
سواء كان بالاغاني او بالكلام
الي بيحصل والي بيشاف كل يوم على الفضائيات مش محتاج اغاني تبينه وتظهره
خلاص حتى عنينا اتعودت شكل القتل والدم
بجد تاثير اول مشهد قتل كان فظيع
لكن دلوقتي
بنشوف الاموات وينشوف الناس بتتقتل قدمنا
ومبقناش بنتاثر بنفس الدرجه
ويوم عن يوم
مش هنحس اصلا
احنا فعلا مش مستنين الفنانين يقولولنا الحقيقه فين
بس انا مش بعتب عليهم لان ده دورهم وكل واحد بيتناول القضيه في حدود امكانياته
الفنان يعبر والكاتب يكتب
الطبيب يعالج والعسكري يحارب
كل واحد يادي دوره
هما قدرو يصرخو ويغنوا اي نعم هما ماجبوش جديد لكن عملوا المفروض يعملوه كفنانين
بصي يا برنسس كل واحد مننا ممكن يبص لنفسه يشوف هو هيقدر يدي ايه
اذا كان حاسس بالقضيه اصلا
ولو لقا نفسه مستعد
يدور على الي يقدر عليه ويحاول يعمله
انا عن نفسي
كل الي اقدر اعمله في الوقت الحالي
اني اكتب وادعي
بس
شوفتي انا قليل قد ايه
مش بزمتك الفنانيين اجدع مني
على الاقل صوتهم اعلى من صوتي وصوتك
من الاخر الاوبريت مش هو المشكله الي نتكلم فيها
الاوبريت زيه زي الصور والمقالات
وسيله اعلاميه
لا اكثر ولا اقل
وشكرا

انا شايف ان مش من حق اى فنان انو يحاسبنا ويصحى ضمايرنا
فين ضمايرهم هما وقبل ميصحوا ضمايرنا يصحوا ضمايرهم هم الاول
وانا شايف ان الغرض الاساسى للفنانين من اوبريت الضمير العربى هو الشهرة وبسسسسس

المشكلة ان احنا كل اللى بنعمله بنغنى
نتهزم نغنى
ننتصر نغنى
ننضرب نغنى نفوز فى مباراة نغنى

للاسف العرب على اى حاجة بيغنو من غير اى حاجة فعالة

ميرسى جدا على رودودكم
ومروركم الجميل
بس انا مقلتيش ان ان الاوبريت
ملوش لزمه لا هو ليه لازمه ومهم جدا
بس مش كفايه مش هو ده اللى هيحررنا
وزى ما قال جرين كل واحد يعمل اللى
يقدر عليه بس على فكره انت تقدر تعمل اكتر من كده

انتي شايف كده

اكيد زى ما قلت فى الموضوع
كلنا نقدر نعمل حاجه

انا شايفه يا جمااعه ان اغلبنا اتعود انه يبص ع الجانب السلبى من اى موضوووع
فيها ايه يعنى لما و احد يعبر عن نفسه وعن غضبه باى طريقه هو يقدر عليها...
اما نيتهم ف الموضوووع ده حااجه ترجعلهم

وبعديين ليه نحكم على ناس انها عايزه من الموضووع الشهره والفلووس
على اساس ايه يعنى......كل انساان مهما كان بيعمل حاجااات وحشه
جوااااااه حته انسانيه واحساااس
واكيد اوحش واحد فيهم ..اتاثر زى ما احنا اتاثرنا بالمنااظر دى

ولو كده كده ما فيش خطوه ايجابيه بتتاخد فى ا لقضيه دى
نبقى ع الاقل عبرنا عن نفسنا وقلنا للناس ان احنا مش راااضين
ودى فى حد ذاتها بالنسبه الى خطووه

انا عن نفسى بعد ما شوفته.......بعد ما اتاثرت جدااا وجالى شبه اكتئاااب والله
حسيييت قد ايه ان احنا بندلع.....وقد ايه احنا غرقانيين فى نعم ربنا
وحسيت انى عابزه استغل نعمه الامن دى.....وما اضيعش وقتى فى اى حاجه تافهه

وفضلت فتره كبيره كده
وكل ما اشوفه بيتجدد عندى الاحسااااس ده
شوفتى اهى مجرد النتيجه دى....عمل ايجابى عمله الاوبرت

وبعديين انا من رأيى الاغااانى دى عباره عن احساااس بنعبر عنه
يعنى مثلا اغاانى الفراق والوداااع
مش مطالبه انها تحل المشكله العاطفيه دى.....
ده مجرد صووت جميييل ساكنه احساااس بالحزن
بيوصلنا الاحساااس ده

ليه بقه مش بنطالب المغنى انه يعمل خطوه ايجابيه
ده احساسه زى ما يكوون بيقوول مجرد كلمه انا زعلاااااان

نعبر حتى عن احساسنا بدل ما يمووت هو كماان لو ما عبرناااش عنه

واحب اضييف لمصطفى.....ان من حلاوه الشعب المصرى انه بيغنى فى كل المناسبااات
لانه شعب حساااس بيحب دايمااا يعبر عن احساسه بالاغااانى
سواء كااان فرحاااان او زعلااان
وما فيش عييب فى كده

دى مجرد وجهه نظرى ف الموضوووووووووع
وميرسى كتييير يا ندوووووود

ع فكره مغنين دول احسن من غيرهم مخرج الاغنيه و بيقول انى فى مطربين كبار رفضوا انوا يغنوا و قالوا احنا شهرتنا اهم فعلاقل دول عملوا حاجه بدورهم كمغنين فى ناس غيرهم مش بتعمل حاجه خالص و الاغنيه فى نفس الوقت معبره و بس مافيهاش امل انا شايفه ان حلم العربى كان الامل فيها اكبر و يارب ميكنسش ده الحال بتاعنا من سئ االى اسؤ

والله كل واحد بيعمل اللى عليه
لكن احنا بقى عملنا ايه
لما ربنا عز وجل يسالنا بكره يوم القيامه
ماذا قدمتم لهم
هنرد ونقول ايه
احنا يا جماعه المقاطعه الى الان مش قادرين نعملها ولو بنسبة ستين فى الميه
الناس مش مقتنعه بالمقاطعه مع انها فرض على كل مسلم
الواحد فينا يتكلم ويقول حرام والله اللى بيحصل
ومش بعيد يبكى لما يشوف مناظر فى فلسطين
وتلاقى صاحبنا هو وبيتفرج على المناظر دى وبيبكى ماسك فى ايده كوكاكولا او بيبسى او كيس شيبسى
سبحان الله
لا يغير الله ما بقوم حتى يغيروا ما بانفسهم

وتحياتى