مش عارف اخد قرار

اوكيه في انتظار

اصعب قرار انا لسه ماخدتوش لانى اعتقد اصعب قرار هو قرار الجواز
لانه قرار مصيرى
اسهل قرار اخدته انى حولت من علمى لادبى وانا جايبه مجموع 96%مع ان كل اللى حولى شاف ان ده جنون
لانى كان ممكن اكمل وادخل هندسه بس انا كنت عايزه كليه معينه
بس حتى دلوقتى لما ما دخلتهاش لظروف خارجه عن ارادتي
مع انى جبت مجموعها انا مش ندمانه
لانى عملت اللى انا عاوزاه واللى حاسه بيه

هو موضوع كويس بس صعب نعرف ايه اسهل قرار و اصعب قرار لان فى وقته كان صعب انى اخده ببس خدته

انا بقي كان اصعب قرار اخذته هوا سفري للعمل في شرم الشيخ مره تانيه بعد محاوله اولي فاشله بس الحمد لله بعد عودتي بحوالي اسبوع سافرت مره تانين لنفس المكان اللي الي حد ما فشلت فيه في الاول واشتغلت مع نفس الشخص والحمد لله اتسترت معايا
اما اسهل قرار فدي حاجات كتير وانا شايف انها مش ممكن تفيد اي حد لان اي واحد مننا ممكن يعملها وفي اي وقت

اصعب قرار اخدته كان انى ابعد عن واحده صاحبتى كنت بعزها اوى بس هى الى اضطرتنى لكدا
والقار اخدتوا بعد تفكير طويل اوى وحاولت كذا مره انى اجيب كذاحل لكن بصراحه مانفعش
الصداقه ان ماكنتش متفقه ماينفعش يبقوا اصدقاء
بالنسبه للاقتناع فانا مقتنعه باللى عملتوا انوا صح وصح جدا كمان بس .......
اعتقد كان هيبقى فيه بديل بس مش منى لانى ماكانش ادامى حل تانى اما هى كانت ترجع عن الى فى دماغها

اسهل قرار كان انى اعمل المنتدى دا

لانه عملته بالصدفه البحته
طبعا مقتنعه بيه ومالوش بدايل وقرار ميت فل وعشره وفرحانه بيه مووووووووووت


واخر قرار اخدته انى هابتدى افكرفى حاجه جديده اعملها
القرار مازال تحت الدراسه التنفيذيه
بس شوفت شوية نتايج كدا غير مبشره اوليه
انى وقفت مكانى ماتحركتش
والبدايل انى امشى واكمل سكتى الى كنت فها وبلاش جنان

والقرار الى بفكر فيه دلوقتى وتاعبنى اوى
حاجات كتييييييييييييييييير اوى
مش عارفه اخد فيها قرار حاسم زى مانت قولت فوق
بيبقى ى عوامل كتير اوى بنفكر فيها
خوف وقلق غير عادى
ضغو كتير ولزم الواحد لما ياخد قرارات يعمل حساب لسته الاف حاجه
يعنى
وطبعا لازم ياخد راى الناس الى حواليه
بس مش كل الناس طبعا
يعنى اقرب الناس ليه
اتمنى انى اكون قدرت احللل تحليل كويس
مرسى على الموضوع الرائع د يا جرين

اصعب قرار اخدته انى اختار شريك حياتك
اسهل قرار كان اختيارى لكلية الالسن

اصعب قرار اخدته انى احول من علمى لادبى

ومش ندمان عليه

اما اسهل قرار فهو انى اسافر بره مصر ولا اكمل دراستى

لازم من البداية فكيرى فى المشكلة يكون صح

ولازم اشارك ناس اكبر منى وعندها خبرة عنى

معايه اكيد هيساعدونى

وانا شايفه كده ممكن اخد الى حد ما قرار صح

اصعب قر ار لسه ماخدتوش لانه هيكون قرار جوازى
اما اسهل قر ار هو قرار دخولى كليه ألسن

thank you green heart for this nice topic
but i won,t say what is my toughest decision i,ve evere made
or what is the easiest decision i,ve ever made
my point here is
what is your toughest and easiest decisiones you have ever made
with all my respect
seito

الشكر لله سايتو
والنبي عربي ياخويا والنبي