الحب الاول؟؟؟؟؟

هــــــــــــــل الـــــــحـــــــب لـــلـــحـــبـــيـــب الأول فـــــــقــــــــط :

ذكرى الحب الأول ستبقى خالدة في النفس طالما هي على قيد الحياة

أؤكــد أن ذكـــرى التـجـربـة الاولـــى سـتـلاحـق الانـســان مـــادام
حـيـاً لكنـهـا لـــن تمـنـعـه مـــن الـحــب مـــرة أخـــرى لـكــن لـيــس
بـــــــمــــــــقــــــــدار الـــــتــــــجــــــربــــــة الاولـــــــــــــــــــــــى

لـن أبالـغ فأقـول ان الانسـان سيقـف عاجـزاً بعـد التجـربـة الاولــى
لــــــــــــــــــه بـــــــــــــــــــل انـــــــــــــــــــه ســــيـــــنـــــخـــــرط
فـي تجـارب أخـرى بهـدف نسيـان تلـك الأولـى وتـكـرار ماحققـتـه
مـن سـعـادة الــى أنــه لــن يستطـيـع اكـسـاب هــذه التـجـارب تـلـك
المـسـاحـة الـصـادقـة الـتــي ارتـسـمـت بـهــا الـتـجـربـة الاولــــى.

فــــــــــــــــــــــهـــــــــــــــــــــــل فــــــــــــــــــــــعـــــــــــــــــــــــلاً

مـــــــــــــــــــــا الــــــــــحـــــــــــب إلا لــــلــــحــــبـــــيـــــب الأول

أم هـــــــي تـــأوهــــات قـــــــدرٍ و لـــوحــــات مـــــــن الــخــيـــال

انا براى انا الحب الاول اغلبيته بيفشل اوى لعدم خبرة كافية ونضوج كافى للاشخاص لان الحب بيبتدى بفترة المراهقة

اكيد بنتعلم منه لبعد كده بس

شكرا يا لولى

اكيد طبعا الحب الاول بيبقا تجربه ساذجه جدا
وغالبا بتفشل وبعدها الواحد بيحس انها اوهام مش اكتر
ميرسى يالولى

فعلا الحب الاول
اقوى حب
لكن ممكن الانسان يحب تاني وتالت
وغير كده في حاجه بتقول
داويني بالتي هيا الداء
يعني مش هينسيك حب غير حب جديد
بس لاذم يكون اجمل واحسن من الاولاني عشان ترضى بيه
وتحس انك ابتديت تعيش تاني

مع ان الحب الاول ممكن يكون مليان عيوب وسلبيات كتير
بس ليه مكان في القلب صعب جدا يتحرك
بس التجربه التانيه بتبقى اهدى وانضج وبيكون الانسان في حال افضل
وبيقدر يصلح اخطائة الي عملها في التجربه الاولى
لان الواحد لو حب تاني
مش هيبقا عنده استعداد يخسر تاني

على فكره هو ممكن يكون مش حب
ممكن يكون مجرد اعجاب
او انسان حب يجرب ايه معنى الحب ده؟؟؟؟؟؟؟
واخيرا فعلا ما الحب الا للحبيب الاول

مش عارفه يالولى
بس الانسان المخلص مابيعرفش يحب كذا مره
هى بتبقى مره واحده
دا اعتقد يعنى
مرسى على الوضوع الجميل دا

لو الانسان حب تاني
ده مش معناه انه مش مخلص
لان ممكن يكون السبب في التجربة الاولى الي فشلت مش هو
الانسان هيحب تاني وتالت وده مش لعبه احنا بنلعب بيها
احنا ديما بندور على الحب باردتنا او من نغير
ممكن نصادف ناس وبعد فتره نكتشف انهم مش هما دول الي لازم نكمل معاهم
ونعرف ناس تاني
لحد منلاقي النصيب وساعتها هيبقى الاخير اكيد
وفي ناس حظها بيجي من اول مره وتجربتهم بتكلم
وفي ناس بتفضل تتخبط كتير
بس قلوبهم بتدور على حاجه مش هترتاح غير لما تلاقيها

عندك حق يا GREENHEART
الانسان بيفضل يدور على الحب ديما
لان الحب احتياج وجزء منك بيكتمل لنا تلاقى التانى
مرسيه ليكى يا لولى

فعلا زى ماقالو الحب الاول غالبا بيكون مجرد اعجاب ومراهقة لكن اللى بيمر بيه بجد بيكون غالى عنده خالص

ويا ريت يا جماعة كلنا نفرق بين الحب والاعجاب

حبيبى الاولانى مش صعب فى يوم ارجعله تانى
على راى اخونا رامى صبرى

الحب الاول مجرد خدعه الانسان بيفتكر انوا بيحب بس مش صح ممكن احب تانى و تالت عادى الحياه مش هتتوقف عشان حب ضائع

بس مهما كان الحب الاول هو الاصل

مرسى على مروركم

الحب الاول عبارة عن تذكرة المرور من المراهقة للنضج ممكن يكون حقيقى وصعب انه ينساه تانى ويعيش على ذكراه وممكن يكون مجرد اعجاب يفوق منه على مرحلة النضج

جرين ماهو الانسان الى بيتخبط كتير دا بتيجى فتره وخلاص
بتبقى استنفذ كل طاقة الحب الى عنده
مش بيبقى عارف يحب
وعمر ماانسان هيدى فى حب زى مابيدى فى حبه الاول ابدا
بعد الحب الاول بيبقى خايف من تجربة الفشل تتكرر تانى فيبدئ عطاؤه يقل مع ان ممكن الشخص الى اادامه يكون مختلف نهائيا عن الشخص الاول بس احساس الخوف نفسوا صعب اوى بيخلى الانسان مش عارف يتحكم فى اعصابوا ولا فى مشاعروا هوا دايما خايف والخوف مع الحب اتنين عكس بعض خالص لان الحب من اسمى معانيه الامان

لا الحب طاقه متجدده
والحب ملوش نهايه لكن ديما ليه بدايه
قدرة الانسان على العطاء مستمره وده برضه بريجع للانسان الي قدامه
ذكريات الفشل انتي عندك حق فيها لكن عمرها مابتكون سبب ان الانسان مابيقدرش يحب تاني او يتواصل مع انسان تاني
لان ببساطه كل قصه وليها ظروفها المختلف وليها اسباب الفشل وليها اسباب النجاح
لو ارتبط الفشل بقلب الانسان وانتهت الدنيا عنده عند حدود الفشل الاول كانت الدنيا كلها انتهت من زمان
لانك لو خدتي بالك هتلاقي ان الحياه كلها عباره عن تجارب وصور مكرره
كلنا بنمر بنفس الازمات وبنقول نفس الكلام والاختلاف الوحيد هو الاشخاص

عجباني اوي اغنيه بتاعت فيلم عن العشق والهوى

بتقول
كتير بنعشق ولا بنطول وكتير بنعشق ولا بنقول ومفيش حكايه بتستمر زي مابدات ليه علاطول
الكوبليه ده بيحكي اذاي ممكن تحب واذاي ممكن تتحب واذاي القدر له حكم تاني خالص

الكوبليه الاخطر في الاغنيه بقا هو بيقول
في عشق بنستناه وعشق بيستنانا وعشق بينسينا العشق الي عشقناه
بصراحه الكوبليه ده اكثر من رائع واختصر كمان قصة حياة الحب عند البشر ده تصوري للموضوع
لان فعلا وحقيقي اننا ممكن نتمنى حد لكن هو مش بتاعنا
وفي نفس الوقت بيكون في حد تاني بيتمنانا واحنا مش حاسين بيه
وفي النهايه النصيب بيجي عشان ينسينا كل الي فات ويبدا معانا من جديد

في عشق بنستناه وعشق بيستنانا
وعشق بينسينا العشق الي عشقناه

الحب طاقة متجدده متفقه معاك
بس لما بيستنفز جزء منها كبير مره
بيبقى من الصعوبه تجددها غير كدا وكدا
هتبقى دايما حاطط مقارنه مابين الحب الاول واى حب تانى
غير طبعا الاحتياطات واالاتزامات والقيود الى بيبقى حاططها على حبه دا
اه ممكن يحب تانى
بس عمره ماهيبقى زى الاولانى ابدا
لانه فى الا ولانى بيبقى سايب قلبه على طبيعته بيدى كل شئ

انا متفقة مع جرين لان الواحد لما بيحب بينسى كل حاجه كانت قبل كده و مش بيفكر يدى كل حاجة والا لا
و الواحد بيقول دى فعلا اول مرة احب فيها واللى قبل كده كان لعب عيال و حتى لو حب تانى بيقول نفس الكلام وهكذا

اختلاف اراء والختلاف الاراء لايفسدللود قضيه

شكرا على الاراء و المشاركة
وفعلا انا مع رأى جرين وانجل
فعلا الحب طاقة متجددة
فى سؤال عايزة اطرحة:

ازاى الانسان يقدر يحكم اذا كان ده حب حقيقى و الا لا؟؟؟؟؟؟؟؟؟

هو في نقطه مهمه

ممكن ماتكونش واضحه في موضع الحب

النقطه دي عباره عن أي حب من طرف واحد منقدرش نقول عليه حب

لان الحب احساس متبادل ومابيكتملش الاحساس ده غير في وجود طرفين

والحب الحقيقي هو الحب المتبادل والي بيحصل لاتنين في نفس الوقت بنفس الاهتمام

ونفس الاستعداد للاستمرار وذي ماتكون النهايه

وفي الحاله دي مش محتاجين نعرف اذاي نتاكد اذا كان ده حب حقيقي او لا

لان الي بنشوفه بعنيينا ونحسه بقلبنا في الوقت ده بيكون هو الدافع الوحيد الي بيخلينا نتاكد من جوانا

ان الي احنا حاسينه هو الحب الي بجد

غير كده مشاعرنا تجاه حد ماينفعش اسئل عنها حد غير نفسي

بمعنى ماينفعش اروح اسئل اقرب الناس ليا

عن احساس انا حاسه لانه ببساطه هو مش عارف ايه الي جوايا

وانا كمان مش هلاقي كلام اعبر بيه في الوقت ده ويوصف بجد انا حاسس بايه

وبالتاكيد مش هيقدر يفيدني اذاكان ده حب حقيقي ولا لا

فالمفروض انا اولى بنفسي واسئل نفسي عن حالي واتكلم معا نفسي

انا بحب فعلا والي قدامي ده بيحبني بجد

طب انا عملت ايه وهو عمل ايه

انا بحب نفسي بالاحساس ده يعني انا فرحان بيه ولا عادي بالنسبالي

غير حياتي .... اداني امل

يعني.....

ولسا في باقي

عندك حق يا جرين مفيش حد يقدر يحدد مشاعر حد كل واحد لازم يفكر كويس
ويتخذ القرار و خصوصا فى موضوع الحب لان محدش هيحس اللى انا حساه
و بالنسبة للحب من طرف واحد هو مممكن يكون اعجاب مش حب بس لو الطرف التانى
حس بالاعجاب ده بيكون فى فرصة للحب انه يكون بنهم
وشكرا

ممكن وده بقى انت وحظك
لو حس باعجابك واهتمامك وحس من جواه بنفس الشيئ ناحيتك
ممكن يتحول الحب الي من طرف واحد
لحب حقيقي
وده على فكره بتبقى مسئلة وقت لو في نصيب اساسا
لان اللوقا نصيب

بصى يا لولى موضوع الحب الحقيقى دا بيثبته الايام
بيثبته كلام العين
ممكن تقولى فى عيون بتعرف تكذب
هقولك عندك حق بس الكذب دا مابيستمرش كتير
مسيره بيقع
هيثبتهولك المواقف
لو كان الانسان الى بيحب دوا بيحب بجد بيدى للى ادامه اهتمام وثقه ورعايه بيحاول يدى كل شئ عنده دا لو حبه بجد
بيفضله على الدنيا كلها دا لو كن حب حقيقى
اما الشئ الثانوى الى هوا لما الطرف التانى يبعد خلاص مش مشكله ماحصلتش اى حاجه ومافيش اى حاجه فارقه
واللى يتفضل مصلحته على مصلحة الحب العامه
فعمر دا ماهيكون حب حقيقى

الحب الاول اكيد اول تجربة للواحد بتكون فيها كل مشاعرة لاول مرة تخرج لحد فهو بيسيب علامة في النفس وخصوصا لو انتهي بجرح