قول يابو صلاح

[b]

الدنيا صندوق دنيا .. دور بعــــد دور
الدكة هي .. و هي كل الديكـــــــــور
يمشي اللي شاف ويسيب لغيره مكان
كان عربجي أو كان امبراطــــــــور
عجبي !

قطي العزيز راقد علي الكنبــــــات
في نوم لذيذ .. و بيلحس الشنبات
و انا كل عين فنجان مدلدق قلــق
صدق اللي قال إن الحياة منابات
عجبي !!

قالوا السياسة مهلكة بشكل عـــــــــــام
و بحورها يا بني خشنة مش ريش نعام
غوص فيها تلقي الغرقانين كلهــــــــــم
شايلين غنايم .. و الخفيف اللي عـــــام
عجبي !!!

سلام سلام سلام سلام ... سلام
كلام كلام كلام كلام ... كلام
هز الورق يا صاحبي كدهــــوه
يطلع كلام سلام .. و سلام كلام
عجبي !!!!

فوق تحت . ورا قدام . يمين شمـــال
في الجو . تحت الميه . أو في الرمال
طلب الكمال يحرم علي الممـــــــــكن
و الممكنات دول محرومين م الكمال
عجبي !!!

[/b]

هات يا زمان و هات كمان يا زمان
غير بسمة الشجعان مامني يــــبان
هو اللي داق الفرحة يوم ثورتـــــه
يقدر يعود و لا ثانية للأحــــــزان ؟
عجبي!!

عبثا باقول واقرا في سورة عبس
ماتلومش حد إن ابتسم أو عبس
فيه ناس تقول الهزل يطلع جــــد
و ناس تقول الجد يطلع عبـــــث
عجبي !

يومي علي الله تنتهي و تغيــــب
الشمس و تعود تاني يوم لهاليب
زي الحياة مأساه و من كترهــــا
بقي لا انتهاءها و ابتداءها عجيب
عجبي !!

علم اللوع اضخم كتـــــــــاب في الأرض
بس اللي يغلط فيه يجيـــــــــبــه الأرض
أما الصراحة فأمرها ســـــــــــــــــاهل
لكن لا تجلب المال و لا تصون العرض
عجبي !!!

أنا كان لي أب . و كان رئيس محكـــمه
ستين سنة .. في قضية واحدة أترمي
ستين سنة و طلع براءة و خــــــــرج
يشكي الحياة و الموت لرب السمـــــا
عجبي !!!!

قالوا ابن آدم روح و بدنه كفـــــــــــن
قالوا لأ بدن . قالوا لأ ده روح في بدن
رفرف فؤادي مع الرايات في الهــــــوا
أنا قلت لأ روح في بدن في وطــــــــن
عجبي !!!

استاذي والله

_________________
G R E E N H E A R T
what doesn`t kill me , makes me stronger

الله عليك يا ابو صلاح يا جامد
شكرا ليك يا جرين
_________________

as usuall green
you make us enjoy
so
thanks
_________________

ميرسى جدا ليك انت بجد بتمتعنا بكلام الرجل الجامد ده

تحفه تحفه بجد..........

الدنيا صندوق دنيا .. دور بعــــد دور
الدكة هي .. و هي كل الديكـــــــــور
يمشي اللي شاف ويسيب لغيره مكان
كان عربجي أو كان امبراطــــــــور
عجبي !

و ايه رايك فى دووول............

أنا قلبي كوكب و انطلق في المدار
حواليكي يا محبوبتي يا نور ونـــار
يلف مهمــــا يلف ما بيكتفــــــفيش
وتمللي نصه ليل و نصه نهــــــــار
عجبي !!

_________________

WE
THE MUSLIM YOUTH
CAN CHANGE THIS WORLD

وعجبى يا جرين
تسلم ايدك
_________________