يا ترى انت/ى اى صنف من اصناف الناس دى؟؟؟؟

من الأمور المسلم بها أن الإنسان يولد ولديه القدرة على أن يجعل من نفسه شخصية مؤثرة بما حباه الله من ملكات ومواهب متعددة , غير أن البعض قد يعيش على الأمل مبتعدا عن العمل والسعي , لذا نرى البعض يعيش الفشل , ليصدق عليه عنوان الشخصية الفاشلة .
إن الإنسان يولد وتولد معه الكثير من المواهب والإمكانات والطاقات الهائلة والجبارة مما يجعله قادرا على ان يكون شخصية مؤثرة في الحياة , فاله سبحانه وتعالى أعطى الإنسان مواهب خلاقة تؤهله للتأثير في الآخرين .
فكل انسان لديه قابلية إمكانية التأثير و ولكن تاثيره يعتمد على قدرته على تفجير مواهبه واستثمار إمكاناته واستثمار طاقته ومعرفته بحقائق الحياة , فإذا ما اساء الانسان معرفته بنفسه , وإذا ما اخفق فى استثمار ما اعطاه الله من مواهب إمكانات , فلابد وأن يكون الفشل حليفه .
إيه هى اصناف الاشخاص ؟
إيه هى قواعد بناء العلاقات مع الاشخاص ؟
إيه هى صفات الشخصية المؤثرة ؟
إيه هى الحاجات اللى لما اعملها يكون لى تأثير فى الاخرين ؟
إيه هى صفات القائد الساحر؟

إزاى تعمل من نفسك قاد متميز؟
وإيه هى انواع القيادة وسمات القائد؟
وفى الاخر هكتب لكم روشتة سريعة لتأثير فى الاشخاص ؟
منهم المفكر ومنهم مدعى المعرفة ومنهم المعارض والمتردد ......................الخ
بس يا رب ألاقى ردود منكم لذيذة وحلوة تشجعنى إنى اكمل
لانى بكره جدا الكتابة على الكيبورد فمش عايز اكتب حاجة ومحدش يقرأ
وأول حاجة هبدئها معاكو النهاردة هى
*** أصناف الأشخاص ***
الأشخاص ثلاثة اصناف , هم
الصنف الاول : يصنع الاحداث ويحركها
مبتكرون مبدعون ومتحمسون .....تعرفهم من لمعة عيونهم .... واحمرار وجوههم ....... وكراسيهم التى لا يجلسون عليها ابدا .....فهم ائمامشغولون بعمل ما ,أو فكر ما , يرون كل الابعاد , ويخضعون كل الظروف لهدفهم.

الصنف الثانى : يشاهد الحركة ويمط شفتيه
مقلد ينتظر ان يكون رد فعل , لو ترك وحده لاختار الراحة و وعندما تقول لاحدهم الماء يتسرب من سطح بيتك , لماذا لاتصلح السقف ؟! , سيرد عليك وكيف اصلحه والمطر ينهمر ؟! , فإذا قلت له : إذن اصلحه عندما يتوقف المطر , سيقول لك : عندما يتوقف المطر لن أكون بحاجة لإصلاحه ! 0

الصنف الثالث : يتساءل بدهشة ماذا حدث ؟!
هؤلاء تجدهم فى الطرقات مفتوحى الافواه , مغمضى العيون ,إذا حدث وقابلتهم , فلا تبتسم , فأنت تمر بمنطقة خطرة 0

ودى نهاية أول حلقة معانا من سلسلة الشخصية المؤثرة
يا رب تكون عجبتكم الفكرة وتكونوا استمتعتوا بالموضوع 0
ومستنى ردوا عليا وبصراحة اكمل ولا لأ
بدل ما اقعد اكتب واضيع وقت على الفاضى 0
وميرسى كتير ليكو
اخ نسيت اقول حاجة
يا رب يجعلنى ويجعلكوا من الصنف الأول ........

مش قادره اقولك
انى من ممكن احس بنفسى من النوع الاول
خايفه حد يقول انى مفروره ولا حاجه بس يمكن انا شايفه كدا لانى عمرى مابشوف حاجه وبسكت زى النوعين التانيين
الموضوع طبعا حلوا جدا
وتسلم ايدك يا سايتو بجد

اكيد ادمن مش غرور
ولعلمك النوع التانى بيتحرك بس كرد فعل
ولكن مش بيصنع هو الحدث
وميرسى كتير لمرورك
ومستنى ردك
اكمل ولا........................

والله هو الموضوع جميل جدا

بس انا مش شايف نفسي اي واحد من الشخصيات دي

لأن أنا من النوع اللي بحب أعمل بصمت ومش بحب حد يعرف عني أي حاجه بعملها
يشوف النتايج وملوش دعوه مين اللي عملها

وشكرا مره تانيه على الموضوع

لا
انت مش واخد بالك يا ياسر
انت كده من النوعية الاولى
بس مستنى ردك اكمل ولا مش عايزين
ومستنى مشاركات باقى الناس

انا فعلا ممكن اكون من النوع الأول بس انا محدش بيعرفني من احمرار عنيا

وكمل طبعا الموضوع جميل جدا

هههههههههههههههه
حلوة دى
المعنى هنا مجازى على فكرة
مش موضوع احمرار عين
ولا قعدة كراسى
دا مجرد شئ لتوصيل الفكرة
وميرسى لمرورك

اكيد طبعا معنى مجازي انا بهزر
وشكرا لموضوعك

هههههههههههههه
ما انا عارف
بس تفتكر عنيك بتلمع ولا .....

طبعا كمل يا سايتو

كلامك رائع و مستنييت الباقي

انا عن نفسي بحس اني من النوع الاول لأني دايما بتصدر في اي حاجة و مش بقدر اسكت

و بحب يبقي ليا رد فعل و بحب المكان اللي ابقي فيه يبقي ليا فيه بصمة و اثر

يمكن انا مش فيا كل صفات الشخصية الاولي بس انا بحاول اوصلها

انت بقي مين في دول ؟

و عايزين باقي الحلقات

موضوع حلو قوي وانا عن نفسي بحس اني من الصنف الاول
شكرا ليك

مرسي ليك يا ياسيتو وتسلم ايدك بجد موضوع جميل انا بقولك كمل وانشالله ربنا معاك
بس انا مش عارفه اذا كنت من اي النوعين بس انا احب تعمل كل حاجه ووقت ما باتعب اكيد باريح شويه يبقي ايه بقي ؟

ميرسى نايل لمرورك
وميرسى كتير ليكى انجل على المرور
انا بقى من اى صنف مقدرش احكم
يمكن يكون فى حاجات من الاول وحاجات من التانى
انا فى نظرى مش كل الاحداث فى ناس معينة بتصنعها
فى حاجات انا بعملها
وحاجات لازم يكون لى رد فعل فيها
لانى مش كل حاجة انا هبقى المحور بتاعها
انا فعلا زى ما مكتوب ساعات بكون جبار
ازاى
ليل نهار شغل
ليل نهار مش فاضى وليل نهار بتحرك لدرجة ان فى ناس اعرفهم لما بيشوفونى فى الحالة دى بيقولو على انى
بفترى وبستقوى على نفسى
وساعات بيكون مش لى نفس اعمل حاجة
غالبا حسب الظروف
بس اعتقد انى اميل اكتتر للاول
وده زى ما قلت مش حكم دا رأى
ويا يويا اعتقد انك زيى فيكى من هنا ومن هنا
واعتقد بررده ان دى حاجة حلوة كتيييييييييييييير

على العموم
ميرسى ايجيبت
ميرسى نايل
ميرسى يويا
بجد نورتم الموضوع

انا حاسه انى من النوع الاول
لانى على طول مبحبش افضل مكانى كده
وبحب اكون نشيطه وليا بصمه فى كل حاجه
وميرسي يا سيتو عالموضوع

ميرسى عاشقة الالسن على مرورك
ومبروك عليكى الاول
ههههههههه

مبروك على ايه يا سيتو؟خييييييير

مبروك على انك من النوع الاول
وميرسى على متابعتك

معلش ردى اتاخر عليك يا سايتو
بس ياريت تكمل طبعا الموضوع حلو جدا

ميرسى ادمن على ردك ومتابعتك