بخاف افرح......................!!!!!!!!!!

انا يا جماعة عندى مشكله مضايقانى اوى اوى
المشكله هى انى بجد بخاف افرح
يمكن كتير منكم هيقولى ايه لعب العيال ده هى دى مشكلة بس صدقونى المشكلة اعمق من كده بكتير لانى والله مافتكرش فى حياتى انى فرحت اوى الا واتغميت اوى ومفيش مرة مرة ضحكت من قلبى الا وحزنت بعدها والموضوع اتحول معايا لفوبيا الفرح لانى حاطة فى دماغى انى لو ضحكت او فرحت اكيد اكيد لازم هزعل بعدها علطول وده مش اوهام ده بيحصلى فعلا وبيحصل كمان مع اصحابى نبقى قاعدين ومبسوطين مع بعض وفجاة نروح بيتنا نلاقى مشاكل الدنيا والاخرة ف احنا بقى بنختصر الطريق ومنفرحش اصلا والحياة بقت من غير طعم
لاهى فرح ولا هى حزن بقت عادى كل يوم زى التانى ويمكن الحزن كتر اوى وانا عارفة ان اغلبكم هيقولوا عيشى اللحظة بجد انا حاولت اعيشها كتير بس مش بعرف لانى دايما بفكر فى بكره هيحصلى ايه وساعات لما اضحك اسكت نفسى واقول بلاش لحسن اتنكد ارجوكم ردوا عليا واخر كلمة الحمد لله على كل شىء ونحمد ربنا فى كل حال

لا اله الا انت سبحانك انى كنت من الظالمين

انا زعلانة اوى اوى اوى ان محدش رد على الموضوع بتاعى ياريت اشوف ردودكم قريب اوى

بصى بجد انا مش عارف اقولك ايه

بس لازم تحاولى لان لو استسلمنا للحزن مش هنفرح ابدا فى حياتنا

لازم تقاومى وسيبى بكرة لوقته

حاولى ترضى ربنا على قد ما تقدرى لو انتى مقصرة مع ربنا

حاولى باكبر قدر من الامكان انك تعملى الحاجات اللى انتى بتحبيها

حاولى تخرجى نفسك من المشاكل

دى مجرد نصايح ومستنى ردك
_________________

زملكـــــــــــــــــــــاوي وافتخر .. واللي مش عاجبو ينتحر
واكتب ع قبره حاول يعاند الزمالك .. بس مسكين ماقدر

على فكره يا أييزى الحاله ده اللى انتى فيها واصحابك غالبا كله عايشها او الاغلبيه
انا مش عايز احبطك والله بس بجد انا عايشها وتقريبا كل زمايلى

ويارب احنا وانتوا نلاقى حاجة تسعدنا
بس منحزنش بعديه

VICTORY

بصى يا نور
الحاله دى بيسببها الملل وان بكره هوا هوا بعده
هوا هوا الايام الى جايه كلها مابتفرقش
طب احنا خلاص ننسى الى فات كدا ونبتدى مع بعض صفحه من اول وجديد
ليه مانخليش ايامنا متغيره
طيب نشوف بقى انتى بتحبى ايه واعمليه
شوفى مواهبك
ارجعى للحاجات الى انتى كنتى بتحبيها ايام طفولتك
شوفى ربنا
اتقربى منه اوى
وحببيه اوى اوى
واعملى حسابك انك ترضيه فى كل كلمه وكل حرف انتى بتتكلميها
واربطى بقى كل حاجه فى حياتك بربنا
هتقوليلى ازاى
يعنى مثلا لما تفرحى ماتفرحيش كدا وخلاص شوفى الاسباب او الخير الى انتى عملتيه علشان ربنا يجازيكى بفرحه دا
لما تزعلى شوفى ايه التقصير الى قصرتيه خلى ربنا زعلك
عارفه بجد
انتى كدا هتزودى الحاجات الحلوه الى بتعمليها وبتشيلى اى شئ وحش انتى ممكن كنتى بتعمليه وانتى مش واخده بالك
وبصى
اول ماتحصلك حاجه
جالك خبر مثلا والخبر دا فرحك اوى
اقعدى قولى الحمد لله كتييييييير
وصلى ركعتين شكر لله
ولو جاتلك حاجه وحشه برضو قولى الحمد لله
وصلى برضو ركعتين الشكر
بسم الله الرحمن الرحيم

(وان شكرتم لازيدنكم )
صدق الله العظيم
دى كلمتين من اختك لانى بجد كنت بعانى من الموضوع دا لقيت ان كل حاجه وليها سبب
ومستنيه مناقشتك يا قمر
مع انى طولت عليكى
_________________

اولا انا بشكر كل اللى ردوا عليا وميرسيه يا moz_a ويا على ويا مى ميرسيه ليكم كلكم بجد وانتى يا مى مطولتيش ولا حاجة بس انا فعلا بصلى ركعتين شكر بعد اى خبر او اى حاجة تحصلى سواء حلوة او وحشة وكمان بحمد ربنا وربنا بيمشيها وفعلا مفيش حد بيقرب من ربنا الا وربنا بيكون معاه وانا لما ببقى قريبة اوى من ربنا فعلا بحس انى راضية ومبسوطة بس بجد لازم العلاقة مع ربنا تبقى على طول قوية عشان الانسان يحس بالسعادة والرضا وانا بشكر كل اللى ردوا عليا وميرسيه ليكو بجد وطول ما الانسان عنده الصحة والستر لازم يحمد ربنا وان شاء الله مفيش احزان او مشاكل

RED HEART

وبالنسبة ل moz_a صدقنى انا هحاول اسيب بكره لوقته وادعولى ويارب متجيبش احزان علينا ابدا آمين

لا اله الا انت سبحانك انى كنت من الظالمين

طبعا انا برضه مش عارفه اقولك ايه بعد اللى هما قالوه

انتى فعلا سيبى كل حاجه لربنا

لاننا كلنا فينا الحته دى
كلنا بنخاف نفرح اووووى

ونقول خير اللهم اجعله خير

وده طبعا غلط

لان كل حاجه مكتوبه عند ربنا

وربنا يبعد عنا جميعا الاحزان

ميرسيه ليكى يا رودى على ردك والواحد فعلا يعمل اللى عليه والباقى على ربنا هو اللى بيدبر كل حاجة وبيدبر الخير او الشر للانسان حسب تصريفه هو وفعلا الحل الوحيد لاى حاجة فى الدنيا ان الانسان يقرب من ربنا اكتر واكتر

وكفى بالصابرين خيرا ان الله معهم

بصي انتي افرحي و لو فكرتي في الحزن فكري كمان في انه بعده فرح و هكذا

احنا لولا الحزن دة مش كنا عرفنا طعم الفرح

و متهيئلي لو اني سبتيها علي ربنا بجد مش هتخافي تفرحي

و لا هتخافي من الحزنطول ما انتي عارفة ان اللي بيكتبه ربنا هو احسن حاجة لينا

و ربنا يسعدك و يكرمك يا حبيتي

بس متحمليش نفسك فوق طاقتها و خليها علي الله

_________________

دع الايام تفعل ما تشاء و طب نفسا اذا حكم القضاء
و لا تجزع لأحداث الليالي فما لأحداث الدنيا بقــــــــاء

حلوة اوى الحزنطول دى يا ايجيبت وميرسيه اوى يا قمر ربنا يخليكى ويبعد عننا الاحزان يارب

ههههههههههه

معلش بقي غلطات املائية

و ربنا يكرمك

_________________

دع الايام تفعل ما تشاء و طب نفسا اذا حكم القضاء
و لا تجزع لأحداث الليالي فما لأحداث الدنيا بقــــــــاء

انا شايف ان الحكاية دى بتحصلك لانك بتفكرى كتيير فيها وبتحطى فى بالك ان فى حاجة هتحصلك سيبيها لربنا وهى دى حال الدنيا يوم فرح ويوم حزن ومحدش بيفرح ع طول ولا بيحزن ع طول

واهم حاجة انك تشكرى ربنا على النعمة اللى انتى فيها

الحمد لله يا مصطفى وربنا يخليك ويبعد عننا الاحزان وميرسيه ليك

كفى بالصابرين خيرا ان الله معهم

اوعي تخافي تفرحي ابدا جمدي قلبك واعي الشيطان يوصلك للمرحلة دي000 هو ايه بيطول عمر الواحد غير الفرحة 000صدقينى الحزن جه معاكى بعد الفرح على طول صدفة كذا مره ودا الي خلاكى تصدقي0000 حولي تبعدي احساس الخوف عنك وحده وحده عشان تتخلصي من الفوبيا الي حصلت بسبب الصدفه00000 بس ما تنسيش ان ممكن كون ليها اسباب تانيه زي البعد عن ربنا فا دا بيخلى االحياه و الفرح فيها مفيهاش بركه يعني ما بتستمرش كتير انا مش بقول انك بعيد عن ربنا بس حولى تقعدى مع نفسك وتحسبيها وتشوفي انتي مقصره في ايه وتحولي تصلحيه000وحولي تكونى فرحانه في كل لحظه في حياتك وفي حديث بيقول(عجبا لامر المؤمن ان امره كله خير0اذا اصابه خير فشكر فكان خير له واذا اصابه شر فصبر فكان خير له )صدق رسول الله صلي الله عليه وسلم وانشا الله حياتك تبقى كلها فرح