اسئلة ملهاش لزمة !!!!!!

فيه أسئلة بديهية مالهاش اي لزمة في الدنيا
بنتعرّض ليها كل يوم من كل الناس

خلـونـــا نشــوف أمثلة

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه

؟

(( أظن ده مش وضع الرقص !!! واضح ان انا هنام ))

انتم معزومين عند ناس ورحتو لبيتهم وأول ما فتحولكوا الباب يقول ابنهم
الصغير: انتوا جيتــواااااااااااااااا ؟

(( لا لسه ))

انت لابس هدومك و متأنتك و على سنجة عشرة وريحة البارفان
واصله لاخر الشارع .. وخلاص بتفتح باب الشقة,, يجي حد من أهلك وينادي
بصوت عالي : انت خااااارج ولاّ اييييييييييه

(( !!! لاء دانا لسه راجع ))

أو مثلا راكب العربية ودوّرتها وخلاص هتطلع ... يجيلك لك البواب
ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))
مثلا ماسك سماعة التلفون وقاعد تضغط الارقام يجي حد من أهلك ويقولك:
انت هتتكلم في التليفون ؟

(( لا.. بتفرّج عليه ))

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد
وقالك: هاه.. قاعد تذاكر ؟

(( تقوم رامي الكتاب و تقوله لااااااااء ))
ربنا هاديك كده ... ماسك سبحة و عمال تسبّح ، يجي حد من البيت يعدي
عليك ويقول: هوّه انت بتسبح ؟

(( لاء.. هفرطها و أسلقها ))

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب
الاغنيّة ديه ولا ايه ؟

(( لاء.. طالبها اخنق على نفسي ))
أو مثلا في العيد

المذيع: هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه
وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))

المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في
الشوارع و تفسحوا أولادكم ونتصل بالمعارف نعيّد عليهم و نقولهم كل سنة
و انتو طيبين

(( سبتيله ايه يقوله يارخمة ؟ ))

والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ ))

HAHA

thanks moz_a for this nice topic
_________________

ان لم اجــــــــد مــــــن يسعـــــــــــدنى ... فلن اعــــــود لـــــــمن ابكـــــــــانى
ان لم اجــــــد من يضىء حـــــــــياتى ... فلن اعـــــود لمـــــــــن اطفــــــــأها
ان لم اجد من يغرس فى ايامى وردة ... فلن اعود لمن غرس فى قلبى سهما

يا باشا احنا مهمتنا سعادة الاعضاء وانا مبسوط اوى ان انا معاكم فى المنتدى الرائع ده
_________________

زملكـــــــــــــــــــــاوي وافتخر .. واللي مش عاجبو ينتحر
واكتب ع قبره حاول يعاند الزمالك .. بس مسكين ماقدر

thanks moz_a

nice topic

هههههههههههههههههههههههه

و الله موت من الضحك

تسلم ايدك

_________________

دع الايام تفعل ما تشاء و طب نفسا اذا حكم القضاء
و لا تجزع لأحداث الليالي فما لأحداث الدنيا بقــــــــاء

اى خدمة يا ايجيبت

شكرا لمرورك

نورتى الموضوع
_________________

زملكـــــــــــــــــــــاوي وافتخر .. واللي مش عاجبو ينتحر
واكتب ع قبره حاول يعاند الزمالك .. بس مسكين ماقدر

بجد الاسئله دى بتحصل و بنجاوب عليها كان ده طبيعى بس حلوين بجد موزا
_________________
][/b]اللهم يا مفلب القلوب و لا بصار ثبت قلوبنا ع دينك

شكرا داليا لمرورك

نورتى الموضوع
_________________

زملكـــــــــــــــــــــاوي وافتخر .. واللي مش عاجبو ينتحر
واكتب ع قبره حاول يعاند الزمالك .. بس مسكين ماقدر

اسئلة رخمة فعلالا

شكراااااااااااااااااااااااااااااااا ياموزااااااا
_________________

سلاما على حب لم يعرف غير الدمووووع

العفو يا فلة

شكرا ليكى

نورتى الموضوع
_________________

زملكـــــــــــــــــــــاوي وافتخر .. واللي مش عاجبو ينتحر
واكتب ع قبره حاول يعاند الزمالك .. بس مسكين ماقدر

والله جامد جدا انا هلكت من الضحك شكرا يا موز

VICTORY

اى خدمة يا ايز جرافيتى

اهم حاجة الاعضاء يكونوا مبسوطين

شكرا لمرورك
_________________

زملكـــــــــــــــــــــاوي وافتخر .. واللي مش عاجبو ينتحر
واكتب ع قبره حاول يعاند الزمالك .. بس مسكين ماقدر